دليل المرأة الذكية الى فراخ الجمعية

اعرف يا سيدتى ان عيالك قد اشتاقت للفراخ وان بائع الفراخ هذا يبيعها باسعار لا تطيقها ماهية زوجك الموظف الذي يعول ستة اطفال وفي انتظار الطفل السابع

فلم يبقي امامك سوى التماس الفراخ في الجمعية ,ولهذه العملية شروط ومواصفات نحب ان نشرحها لك عشان مترجعيش تقولى محدش قالى

النصيحة الاولى:

اصحى بدرى !اظبطى المنبه على الساعة الخامسة صباحا على بال ما تلبسي وتخرجى تبقي ستة توصلى الجمعية سبعة على الاكتر صحيح ان باب الجمعية لا يفتح قبل التاسعة ,ولكن هذا الامر ولكن هذا التبكير لكى تقفى في اول الطابور امام الباب المغلق .

غير ان هذا الامر مشكوك فيه فسوف تجدين ان الطابور موجود هناك من بدرى , وهو ما يدل على ان هناك نساء يستيقظن في الساعة الرابعة , ونساء يستيقظن في الثالثة , ونساء يبدو من امرهم من امرهن انهن قد بتن على رصيف الجمعية.

الزى المناسب:

لا ننصحك بان تلبسي ثوبا جديدا عزيزا اليك, بل البسي اقدم جونلة عندك وابغض بلوزة الى نفسك

فاليوم ليس يوم استعراض للاناقة بل هو بلغة السياسة استعراض للقوة.

وفى هذا الطابور قد يحدث بينك وبين احدى السيدات نوع من الحوار الفكرى المنبثق من واقع الطابور ولذلك نرجو ان لا تكونى قد لبستى الباروكة فقد تمتد السيدة الاخرى يدها الى شعرك لتشدك منه فتطلع الباروكة في ايديها وتتمزق,

في حين انها لو شدت شعرك الطبيعى لما ازداد الامر عن وجع بسيط في رأسك وقديما قالوا وجع الراس ولا ضياع الباروكة.

الناحية الاخلاقية:

ولسوف تسمعين في هذا الطابور الى نوعية من الشتائم التى يندى لها الجبين , ولكن بالطبع ليس جبين المتزاحمات في اول الطابور

فاعملى اذنا من طين واذنا من عجين ونرجو الا تحفظى تلك الشتائم بقصد استخدامها في لحظاتك النضالية الخاصة

وهناك حيث تقفين فى تلك المعمعة والطابور يتحرك بسرعة السلحفاة سوف تشعرين بالغليان في دمك من فرط الغيظ وقد يترجم هذا الغليان الى دموع غزيرة تفيض من عينيكى ولذلك نرجو الا تكونى قد طليتى وجهك باحد انواع المساحيق( مش ناقصة فضايح)

ولربما شعرتى خلال تلك الازمة بانك تكرهين زوجك لانه لا يكسب المال الذى يسمح له بشراء اللحم بالتليفون.

بل ربما كرهتى نفسك ايضا لانك تزوجتى من هذا الموظف الغلبان بدلا من المعلم طلبة الجزار الذى تقدم لكى ورفضيه بسبب كرشه الكبير غير قادرة على التنبؤ بما كان يسنتظرك من الناحية الاقتصادية بعد عشر سنوات وستة اطفال.

كل هذه الخواطر تساورك .....

ولكنك ايضا يجب ان تستبعديها بسرعة حفاظا على قداسة الزوجية وزوجك بالطبع على كونه اد حاله حتى اذا كان يرفض ان يبطل السجاير

وان كانت في البلد ازمة فراخ فالغلطة مش غلطتته, اذ انه بعد ثلاثين عاما من ضرب الرصاص والمدافع كان طبيعيا ان تتطفش الفراخ من المنطقة والفراخ التى عجزت عن الطفشان كان لزاما عليها لكيلا تموت جوعا ان تعمل جمعية!!!

نهاية المطاف:

متى تصلين الى نهاية الطابور ! هذا شئ لا يمكننا للاسف ان نحدده وان كنا نعتقد ان ثلاث ساعات ونصف مده معقولة جدااااااا

المهم لا تصلى الى البائع فيقول لكى تلك العبارة الخالدة:

الفراخ خلصت وتعالى بكرة!!!

فكم من سيدات وقعن اثر انهيار عصبى يحتاج الى علاج في الخارج على نفقة الدولة والدولة كما تعلمين سيدتى قلما ترسل احدا الى العلاج بالخارج الا اذا تاكدت انه غير محتاج لتلك النفقة

(يعنى مثلا ممثل شاددله لسة مليون ولا اتنين في فيلمه الاخير غلابة يعنى)

وقاك الله سيدتى من تلك العبارة الصاعقو واعادك سالمة الى اولادك الستة الذين يجلسون في تلك اللحظة في المدرسة يحلمون بالفراخ ولا يسمعون شيئا مما يقوله المدرس

ما بلاش الواد السابع ده؟؟؟

الموضوع ظريف جدا يا مشمشه
هاتى منه كتير خلينا نضحك شويه بدل الاكتئاب ده
وربنا يوفقك

developer عدد الرسائل : 802 تاريخ التسجيل : 01/02/2007

ميرسي يا جماعة على الرد
لسه بكتب واحد وهبقي انزله

ربنا معاكى

لو رايحه الجمعية قريب يا ام احمد والنبي قوليلي علشان انا وام ادهم عايزين نجيب فرختين

بس كده من عنيا يااختى
بس لو سمحت انا ام عمر متنساش تانى

ايه يا سواااااااارد لا لا لا كله الا ام عمر
هى دى حد ينساها ..

بجد شديد يا مشمشه

ام عمر دي روحي روحي روحي

دة اذا ياختي روحتي ولاقيتي فراخ ولا الافندي بتاعك برده نظام حكومة وكدة يعني ؟ على فكرة يا مشمشة الموضوع جامد اخر حاجة على راي الواد قماح طبعا معروف

ام عمر و ام ادهم!!!!!!

انا حاسس اني واقف في بلكونة بيتنا

موضوعك حلو قوي يا مي

بس لو تنزلي عليه فرختين هديه من اللي انتي جبتيهم كان هيبقي تمام

طب مش تسلمي الاول يا ام محمود ازيك وازي الواد محمود وازي جوزك

هههههه

بيسلمو عليكي ياختي وبيبوسو ايدك
هو احنا عايشين الا من خيرك

ههههههههههههه
كفاية هبل بقي عشان لما بيبقي في هبل
الموضوع بيقلب بعبط
وكمان يا مصطفي احسن تتعود علي كده
واجي الاقيك واقف في بلكونتكو ماسك خالد في ايدك
وبتنشر الغسيل

ههههههههههههههههههههه
على فكرة شكلكوا حلو جداااااااا وانت بتنشر الغسيل يا مصطفي وطابور الجمعية كله اولاد كده
ايوة كده نعرف احنا يا بنات نخرج براحتنا
اطمنى انتى وهيا سايبة اسد في البيت هترجعى تلاقي كل حاجة تمام