عمرك مره عملت علاقة؟

عمرك مره عملت علاقة مع مقتنياتك.زى مثلا هدومك ، قلمك ، كشكولك فى الكلية ، او اى حاجه بتملكها..مقعدتش مره تكلمهم (عادى انت بتكلمهم مش عشان مش لاقى حد تكلمه لأ انت بتكلمهم مجرد تغيير بس)

طب مفكرتش مره مثلا لما تشترى تى شيرت جديد اكيد بتحطه مع اخواته فى الدولاب (ده مش انا طبعا لان كل هدومى بحطها بره الدولاب ) نرجع تانى لما بتحطه فى الدولاب مع الباقى مفكرتش انهم ممكن يتكلموا مع بعض والهدوم القديمه تحكى للجديده عنك بقى وعن اصحابك لانها اكيد بتشوف اصحابك دول واكيد طبعا مصاحبه هدوم اصحابك ....

عمرك فكرت ان كل ده ممكن يحصل وانت قاعد كده ولا على بالك ايه اللى بيتقال عنك جوه الدولاب...
حاول تشوف الموضوع ده...ورد عليه هوه ده بيحصل وللا لا...
على فكره انا لسه متجننتش انا مازلت فى كامل قوايا العقليه...

كل ده لسه متجننتش؟؟؟؟
انا فكرت قبل كده في حاجة بس مش الهدوم بصراحة في اللعب على منهج توى ستورى المعروف
يعنى بحس ان اللعب دى بتحس وبتتكلم وكده
لكن الهدوم بحس بكده لما مثلا البس انا وصاحبتى نفس اللون واحيانا نفس الموديل من غير مانكون متفقين ساعتها بقول ان الهدوم هى اللى اتفقت من ورانا
برضه زى ماقال حجازى انا لسه متجننتش

لا والله انا مش مجنونة.......انا بس بحب الكرتون ده

هههههههههههههههه
لا هو انا اللى بعمله اني ساعات بكلم اي حاجه قدامي وخصوصا الدباديب يعني عندي دبدوب يعرف عني كل حاجه اكتر من اي شخص في الدنيا وبحس انه بيحس بيا بيفرح معايا وبيزعل معايا
لكن موضوع اللى حجازي بيتكلم فيه مجاش في دماغي خالص
والصراحه مش ناويه احطه لاني مش بقيلى غير ربع واحد بس في دماغي لازم احافظ عليه

بس بجد الموضوع تحفه جدا ربنا يوفقك

اه وانا كل يوم اول ما بصحى بجرى على المرايه
وقول لنفسى صباح الخير
واخد بوسه من هنا ومن هنا
حتهبلونــــــــــــــــــــــي
ههههههههههههههههههههههههههههه
اشوف فيك يوم يا حجازى انت ومواضيعك

ليه بس طب انا ساعات كتير بيقولوا عليا في البيت مجنونة
بكلم نفسي كتيييييييير وساعات بكلم الكتب والورق وبالذات وقت الامتحانات
يعنى مش هبل والله

احلى حاجه فيك انت بتكتب مواضيع فلسفيه جااااااااامده

برافو مش بقولك فلسفه

ده مش حجازى لوحده

انا كان واحد صاحبي كده برضو بس الحمد لله بقي كويس وخف بعد ما شيلناله المخ

ههههه

شكلكم وحش قوي

هههههههههههههههههههههههههههههه هههههههههههههههههههههههههههههه لا بجد انتو زى العسل ودماغكم كبيره قوى بس انا الحمد لله مبوصلش لدرجه الملابس ولا القمر وكدا.......... بس بتخيل كتييييييييييييييييييير زى مقالت ساره ازاى بيفكرو الحيوانات فينا وبيشزفزنا ازاى ؟؟؟؟

وفى حاجه عكسيه كل مافكر فيهه اتجنن وماصدقش...........
حد فينا يا جماعه ممكن يتخيل للحظه ان توم وجيرى ميعرفوش بعض 8) او عم بطوط ميعرفش عم دهب او حتى ميكى ميعرفش بندق ؟؟؟؟
ما دى الحقيقه للاسف بس كلنا مش قادرين نتخيلهه ............ هيعرفو بعض منين اذا كانو اصلا رسومات ليس الا........ ......... طيب والله بجد كل ماتخيل كدا بحس انى عايزه اقول ازاى يعنى مينفعش ميكونوش عارفين بعض........ واقترب من الجنان وبعد كدا احاول اقنعنى انهم هيعرفو بعض ازاى يعنى هما عمرهم شافو بعض؟؟؟؟ ولا هما اصلا موجودين

يالا ما علينا .......... اهى كلهه افكار غريبه بتحصل للواحد بس ربنا يستر علينا ويكملنا بعقلنا لحسن بعد كدا .............

والله الموضوع دا لذيذ ودمه خفيف بجد
يسلم ايدك يا tahlehkehtah ويسلم ايد كل الاعضاء الى شاركو بردودهم الحلوه

ههههههههههههههههههه......سامحينى يا سمسمه و اسمحيلى اقولك يخرب بيتك يا بنى ايه ده -اسف-
بس بجد انتى دخلتى خربتيها اكتر ما هيه خربانه....ايه الافكار ديه ما شاء الله عليكى ....
بس فيه حاجه.....لما ثانوى عملت فيكى كده امال الكليه هتعمل فيكى ايه....

والله انا مفكرتش خالص فى (توم اند جيرى او بطوط وعم دهب خالص ) بس اكيد طبعا يعرفوا

بعض وكمان بقى فيه حاجه انتى ماتعرفيهاش اكيد توم وجيرى لما بيكونوا متصالحين بيروحوا

يزوروا بطوط وتوتو وسوسو ونونو وكمان عم دهب لما بيكون راضى عنهم ساعات بيعزمهم عنده

فى المزرعه كلهم لكشه واحده وكمان بيكلم تيمون وبمبه عشان ييجوا بالمره .....بس فيه مشكله

بتقابلوا انه مش بيقدر يجيب نيمو وابوه مرهف وصاحبتهم دورى كمان لانهم مش هايقدروا يطلعوا

من الميه وحتى لو طلعوا ممكن دورى يرجعلها الزهايمر ومتعرفش ترجع وساعتها هاتبقى مشكله

كبيره اوى.....المهم عشان انا طولت اوى المره ديه...سورى يا سمسمه ماتزعليش بس بجد والله

كملى ...وربنا معاكى...على فكره كل ده جد مش هزار..(لحسن تفتكرينى بهزر)

دا انت قديم قوي يا حجازي متعرفش الاخبار الجديدة ولا ايه

توم وجيري اتخانقو مع بطوط خناقة جامده قوي وبطوط راح جاب الشلة بتاعته

واستناهم برة المدرسة وكان موضوع كبير قوي بس الحمد لله عم دهب جي حل

الموضوع

انا بس عايز اطلب من الادمن انه يقفل الموضوع ده او يشيله

لحسن علي اخر السنة هنلاقي نفسنا زي توم وجيري وبطوط