حوار مع اعضاء الاسطوره .. بس كل عضو لوحده ..

بندق سالك كل الاسئله تقريبا بس عايزه اقولك اني بحترمك جدا لرايك في الصداقة بين الولد والبنت هال سوال واحد :

لو عرفتي واحد من النت وقالك نبقى اصحاب لغاية لما اشوفك وممكن بعد كده تكون في علاقه حب بينكوا هيكون ايه رايك ؟

developer عدد الرسائل : 802 تاريخ التسجيل : 01/02/2007

معلش بقى اعذرونى انى دخلت فى النص كده بس سؤال ندى عايز اعلق عليه....
بصى يا ندى الحكايه ديه اصلا مين ابطالها يعنى انتى جزء منها مثلا ...ما علينا..
بصى يا ستى مين اصلا اللى جاب حكاية الحب ديه بينكوا...انتى عرفتى واحد على النت ليه تفكروا فى الكلام ده ...وكمان لو هوه من سنك او يعنى لسه بيدرس ....انتوا اكيد عارفين انكوا لسه بدرى عليكوا لما تخلصوا دراسه وهوه يشوف شغل ومش عارف ايه...واحنا اتكلمنا كتير فى الموضوع ده على المنتدى هنا...يا ندى ده اكيد مش حب ده ممكن يكون اعجاب...وساره قالت فى ردها اللى فات ده هنا ان اى انسان طبيعى اكيد بيقابل حد ويعجب بيه بس مش معنى كده انه يحبه بقى والحركات ديه....
من الاخر بقى انا هاقولك زى الناس اللى مش عارف هما مين بس هما بيقولوا كده
(الحب بييجى بعد الجواز)....
شيلى من دماغك الحاجات ديه يا ندى مفيش احسن من انك تعيش سينجل كده بمزاجك فى مرحلة الجامعة المنيله بنيله ديه....

ازيكم يابنى ادمييييين

عاملين ايه انتوا عارفين بقى المشاغل والميد زفت على راى اسامه

المهم

علييييك نور بجد ياحجازى

كلامك مظبووووووط وبيقولك محلاها عيشه الحريه

نيجى بقى للموضوع سمعت كده ان ساره هى اللى بتتسال

انا شوفت الاسئله وشوفت ردودك عليها بجد والله يابنتى ماشاء الله عليكى Laughing

اجاباتك جميله ومافيهاش لف ودوران زى الناس اللى عملت قبل كده bad

ههههههههههههه

بالنسبه للاسئله بقى انا شايفه انهم سالوكى بما فيه الكفايه

بس بردو ماينفعش اجى وامشى كده

لازم اسالك سؤالين كده

عمرك حسيتى انك بتكرهى حد اوى؟

لو اديتلك 3 وردات هتدهديهم لمين؟

لو حد جه وقالك انه معجب بيكى اوى بس هو بالنسبه لك عادى اوزى اخوكى مثلا هتعملى ايه ساعتها وهتتصرفى ازاى؟

لما مثلا بتزعلى حد سهل بتعتذرى ولا بتقولى كرامتى وحاجات كده؟

بس كفايه كده دلوقتى

ولى عوده باذن الله

هو مجرد موضوع جه في دماغي مش اكتر عادي يعني مش لازم يكون حقيقي انا بس بتوقع حاجات ممكن تحصل واطمن انا اصلا مش بفكر في الموضوع ده خالص لا فترة الجامعه ولا بعدها

شكراً سيكابوتا ربنا يخليكى ..

وطبعا ً لازم تسألى بالمره يعنى هى جات على سيدتك :)

بالنسبه لسؤالك يا ندى ..
شوفى يا سيدتى بما انك بتقولى هو قالى نبقى اصحاب معنى كده انى صرحتله بحاجه
مثلا ً انى بحبه او كده ...وبصراحه يا ندى انا ما اقدرش اعمل حاجه زى دى ابدا ً
بس طالما انتى سألتى السؤال ده ممكن تكونى انتى فى الموقف ده او تعرفى حد فى الموقف
طبعا ً انا مش بغلطت البنت اللى تعمل كده ..
دى شخصيات وكل واحد له منظوره فى حتة انه يعترف بحبه دى

بس اعتقد ان طالما الولد قال كده يبقى هو انسان محترم جدا ً
لانه كان صريح معاها ولانه كان ممكن يستغل البنت دى ويعيشها فى وهم انه هو بيحبها
البنت فى الحاله دى ما تعملش حاجه تانى خلاص
دلوقتى زى ما بيقوله الكره فى ملعبه هو لو بيحبها يبقى هو اللى يتحرك بقى ويتقدم لها ..
وطبعا ً لو ما ينفعش يتقدم عشان لسه صغيرين والدراسه يبقى اعتقد حجازى قال المفيد ...
حاولى يا ندى تعيشى حياتك عادى ... احنا فى السن ده الطبيعى انك تنبهرى بناس كتير
فمش كل واحد هيعجبك هيتهيألك انك بتحبيه وتقوليله ..
وياربت كلامى ما يكونش رخم بالنسبه ليكى وتفهمى قصدى صح .
وشكرا ً لسؤالك يا ندى ..

رجعى كده من الاول يا ساره

فى حجات بتنسيها

فى سؤاليين ليه لسه متجوبوش

بتاع المقلب وواحد تاىن مش فاكره

انت مش فاكره انا بقى هفتكر Surprised

لا انا عارفه فى اسئله كتير اصلا ً لسه ليسته تانى بتعتك وشويه بتوع اسامه وسيكا ..

Crying or Very sad

بس كده ...

لا مش عاوزين خم

ياعم احنا ورانا ايه

لسه ادمنا لحد شهر سته كده

بعد الامتحنات يعنى

احنا لسه حنختار حد جديد

ههههههه

انتى ناوى تخليها كل ده

حراااام عليك

لسه بوتا وسمسمه ومولا وسبيدو و ... و ,,,,

وناس كتييييييييييير عاوزينهم يتسألو

ايوة حراااااااااام عليكو

ما هيه مبتجوبش على الاساله

عامله فيها مشغوله وكده

وكمان انا مش شايف حد كتير بيسالها

ظبطوها اساله وهيه تنجز بدرى بدرى

كفايه عليها انت يا بندق هنبقى احنا كمان

هى ساره راحت فييين

طبعا مش هاينفع ادخل من غير ما اسال

ساره لما بتكون زعلانه بتعمل ايه ؟؟

ساره بتحب تكون مبسوطه ولا بتميل للحزن اكتر ؟؟

لو فكرتي انك تبعدي عن حد بتعزيه قوي ممكن يكون ايه السبب؟

لسه ساره مش هنا ؟؟

الاسئله كترت

بجد انا اسفه اوى يا جماعه عشان انا مش برد

بس بجد .. بجد

لا لا بجد يعنى فعلا ً

اشوف فيك يوم ياللى فى بالى ..
طبعا ً هو عارف نفسه كويس

معلش يا اسامه اصل انا عندى ميدترمات والموضوع عندى بايظ خالص
المفروض تلومه اللى بالى ده عشان هو اللى زنقنى فى الفتره دى بزات انا كنت ناويه اوقف الموضوع اصلا ً لفترة الامتحانات عشان ما نظلمش حد ..
فادبست انا بقى Sad

ربنا معاكى

يا رب تنجح يا تتح

بس لما تيجى هاتجوبي واهو فرصه نفكرلك فى اسئله

درجن درجن

يااااااا فاكر انت درجن درجن دى ..

طبعا ً كلكم هتسألوا ايه دى اللى فاكرها
هقولكم يا جماعه اصل اسامه كان بيشتغل عربجى Surprised

يلا اروح اجاوب شويه من الاستجواب اللى ورايا

ههههههههههههههههههه

ساره انا طيبه ومش هسالك غير لما تخلصي كل الناس وكمان تخلصي امتحانتك

وربنا يوفقك في الامتحانات

وانا كمان

مش حسالك غير لما تجاوبى دول

علشان محضرلك لسته زى اللى فاتت دى

ربنا يقويك يا بندق

ههههههه

اسئله بندوق افندى ....... Evil or Very Mad

لما بتحسى بالضعف بتعملى ايه ولما بتفرحى بتعملى ايه رد فعلك يعنى

لما بحس بالضعف لا مش عارفه بعمل ايه

وانا فرحانه ب.......... ايه يا بندوق السؤال الرخم ده
بص وانا ضعيفه بحاول انى اقوى نفسى مش بستسلم لحالتى يعنى

وانا فرحانه بقى بهييس واهزر اواعد اضحك كده يعنى ..

بتحبى تسمعى لمين قديم وجديد طبعآ

انا بطلت يا بندوق لا بص مش قوى عشان ما ابقاش كدابه بس بحاول يعنى

بس هقول عشان ما بقاش رخمه .. :)

من القديم عبد الحليم اساسى يعنى .. والجديد عمرو دياب ومروان خورى وكل الاغانى الحلوة يعنى مش عشان مطرب معين ..

واختارى فيلم وقولى بتحبيه ليه

لا الافلام اللى بحبها كتييييييييييييييييييييير

مثلا ً فيلم serendibty جميييييل موووووووت عشان قصته وعشان بحب اوى البطل بتاعه كمان

وبتحبى لون ايه

بحب اللون الاسود مش حزن لا شياكه يعنى والازرق عشان البحر

والاحمر عشان بحس انه جميل وبيقول انا موجود ..

معرفش يعنى بحب الوان كتيير ..

ولو تحبى تخرجى لوحدك حتروحى فين

لا مش بحب اخرج لوحدى اصلا ً خااااالص ..

كنت كمان مش بعرف امشى فى الشارع لوحدى

بس اتعودت خلاص دلوقتى ولو هاخرج احب اروح اعد على النيل اهو بدل البحر

يا اما مع صحابى بقى خروجه حلوة كده نضحك ونهزر ونشوف بعض يعنى ..

ومين اقرب انسان ليكى

انا اتسألت السؤال ده 500001 مره واخد بالك والمهم انك انت بردوا سألتوا قبل كده

ومين تحبى تخرجى معاه علشان تضحكى وتهزرى

صحابى اللى انت ما تعرفهمش فامش هقول اساميهم

وقوليلنااا نكته كمان

لا عشان اكيد هتترقوا وتقولوا قديمة .. وكمان ماليش مزاج

اسئله الباشموهندززززز اسامه ...

ايه اكتر حاجه بتحبيها فى ساره ؟؟

انا جوبت قبل كده عليه فى اسئلة مشمش على فكره بس عشان انت يعنى مش اى حد
مش هكسفك يا اسامه باشا .. بحب فيا انى طيبه مش شريره وبعرف اتحكم فى نفسى او بقيت بعرف يعنى
اه وحاجه كمان مااعتقدش انى قلتها انى بسمع اكتر من انى بتكلم بسمعها كتير بس انا كمان حسانى كده
واعتقد الناس بتحب كده برضوا عشان دايما ً اى شخص بيحب اللى يسمعه

اكتر حاجه بتشدك للانسان اللى قدامك (شكلو ولا كلامو ولا...) وبتفضلى الانسان
اللى عامل ازاى رغاي ولا هادى ولا عملى ولا ايه ؟

طبعا ً مش هقولك الشكل مش مهم .. بس انا مقتنعه بحاجه ان الشكل ده شىء نسبى جدا ً
بمعنى انى ممكن اشوف شخص واقول انه حلو وانت مثلا ً تشوفوه وتقول لا ده وحش اوى
وكمان انت ممكن تشوف انى فى شخص معين مش حلو خالص شكلا ً لكن بعد خمس دقائق بالظبط من الكلام معاه
تحس انه اجمل انسان شفته فى حياتك ..
وانا بحب الانسان المتزن لا هو هادى لدرجه الفقعه واخرج الكلام بالعافيه منه ولا الرغاى اللى يصدع يعنى

بتدخلى على النت ليه ؟؟

عادى يعنى زى ما تقول حالة تعود او ادمان ..
بس انا بحب النت اوى بشوف جديد وبعرف ناس جديده بحب اوى اتكلم مع ناس مش مصريين واعرف العالم دى بتفكر ازاى
وشيفينا ازاى وبفرح لما بغير نظره وحشه فى عنيهم لينا .. وطبعا ً عشان ادخل على المنتدى هنا وعلى المنتدى بتاع كليتى ..

ايه الحاجه اللى بتكونى مبسوته وانتى بتعمليها ؟؟

انى ادخل على النت اساسى .. وانى اعد اتكلم مع حد محتاج اللى يسمعه

لما بتخرجى بتحبي الاماكن الهاديه ولا الزحمه ولا السينما ولا ايه بالظبط ؟
اكيد الاماكن الهاديه انا مش بحب الزاحمه والسينيما بحس انها حاجه عبيطه سورى يعنى
بس مش متعه اوى يعنى .. بروحها كل فين وفين لما تكون العائله الكريمه هيروحوا يعنى ..

مين بتحبي تخرجى معاهم اخواتك ولا اصحابك ؟؟

الاتنين وسعات الاتنين مع بعض اصل انا و اخواتى اصحاب بردوا

موقف خلاكى تحبي نفسك اوى ؟؟

لا انا مش فاكره بس عمة لما بعمل حاجه كويسه او اساعد حد او لما بكون قريبه من ربنا ..

موقف خلاكي زعلتى من نفسك اوى ؟؟

موقف مش هينفع احكيه هنا .. ما علينا

شكرا ً يا اسامه على اسئلتك

وانا بقى ياساره فيييين اسألتى

انا ماليش دعوه عاوزه الاجابه بسرعه

Sad

» حوار بين القلم والممحاه ... بس جاااامد (مش انا اللى جايباه )
» اعضاء ممنوعين من دخول القسم الاسلامي الرجاء المشاركه
» حوار مع الشيطان, عائض بن عبد الله القرني
» حصريا ً ولأول مره على الاسطروه وبس حوار خاص جدا ً مع ..الحب
» الجواز في عام 2007 ؟؟(( حوار مفتوح للنقاش ))