الأسطورة


 
الرئيسيةالبوابةاليوميةس .و .جبحـثالتسجيلالأعضاءالمجموعاتدخول

شاطر | 
 

 ورده بلدى

اذهب الى الأسفل 
كاتب الموضوعرسالة
Bondok
المشرفين
المشرفين
avatar

ذكر
عدد الرسائل : 2315
العمر : 33
تاريخ التسجيل : 06/02/2007

عدد النقط
عدد النقط: 10

مُساهمةموضوع: ورده بلدى   الأحد يوليو 01, 2007 5:30 pm

كان في في يوم ورده...!!
====================

كان ياما كان...في يوم من الايام ...كان في بذره لورده...ورده بلدي
كانت البذره موجوده جوا بستان جميل كله ورد بلدي اصيل...ولعطره وجماله القلب يميل
البذره رغم كل الجمال والحب اللي حواليها الا انه ماكانش بيأثر فيها
لانها وحيده وميته في الاساس...لسه مابقتش ورده او ليها احساس
نهاية الكلام ... ماكانش فارق معاها حكايات الحب والغرام

وفي يوم وليله
صحيت البذره لقيت نفسها جوا صحرا....صحراااا كبيييره..!!!
زعلت شويه البذره....وبعدين قالت ...
ايه يعني صحرا كبييره....!!!
مانا كده كده ميته...يبقي ليه الزعل والحيره....!!!
يوم والتاني عدوا عليها...
وافتكرت خلاص ان الامل مابقاش ليها ...
وان الموت خلاص بقي مصيرها اللي اتحكم بيه عليها
وبدون ماتتوقع البذره ... ربنا بعتلها اللي يحييها
لقيت البذره...ان في بحيره صغيره طلعت جمبيها
استعجبت البذره....وقالت ...
ازاي في ممكن ميه تعيش وتطلع هناا...
دي حاجه صحيح مش ممكنه...
ردت البحيره وقالت...انا قدرك يا بذره...
ربنا بعتني بس ليكي...
عشان من الموت والوحده احميكي...
فرحت اوي البذره
ماهي لقت خلاص الميه..اللي هاتخلليها كلها خضره

وبارادة ربنا ...نبتت البذره....

وخلاص البذره مابقتش بذره...
بقت ورده...ورده بلدي ...من جمالها القلب همومه ينسي ...
حمرا...جميله...ماهي بلدي بقي!!!
فضلت الورده عايشه...ايام جمب البحيره...

الورده حبت البحيره...والبحيره حبتها
الاتنين عايشين اجمل ايام مع بعض
عاشقين بعض
فضلو فتره كبيره علي الحال ده
ايامهم كلها حب في حب
كل كلامهم طالع من القلب للقلب
حب حقيقي ..حب بصدق
وكل ده وسط الصحرااا....سبحان الله...خالق الخلق...!!!

ولكن دوام الحال من المحال
في يوم من الايام...
قامت الورده...وكعادتها...لازم علي البحيره تصبح...وبميتها تتروي وتصحصح
لكن المره دي لقيت البحيره...ميتها قلت...قلت شويه عن كل يوم!!
سالت الورده البحيره....مااالك يا بحيرتي؟؟؟....ايه حصلك؟؟؟
ترد البحيره وتقول...مفيش يا ورده...انا زي مانا
تقول الورده ..ازاي بس...انا حاسه بيكي ... انتي اتغيرتي...وفي ميتك قللتي
ترد برده وتقول...انا زي مانا يا ورده!!!
من هنا ...زاد في قلب الورده خوفها...وحست ان البحيره غيرت معاها اسلوبها
اخفت الورده احساسها ده جوا قلبها
وكل يوم تصحي برده ووعليها تصبح وتقولها....
ازيك يا بحيرتي...!!!


والورده احساسها في قلبها يزيد...وبقي خوفها وقلقها...شئ اكيييد
ماهي شايفه كل يوم تقل البحيره شويه ومابقتش زي ماهي بتقول ... "لسه زي ماهي"
صممت الورده تسال البحيره وتعرف ايه السبب...وفعلا راحت وسألت
ردت البحيره...وقالت معلش بقي..
انا والله بحبك اوي يا ورده...وشعوري واحساسي بيكي لسه زي ما هو لسه
بس الظروف بقي..مانتي عارفه يا ورده
الشمس عليا حاميه..والصحرا كمان حواليا قاسيه
وعشان كده الميه فيا لازم هاتقل شويه شويه
بس اطمني يا ورده نصيبك مني محفوظ عندي....مش هاسيبك في يوم تموتي في بعدي
هزت الورده راسها وقالت..ربنا يخللييكي ليا يا بحيرتي
وانا برده مش هاسيبك في يوم تنشفي...وهاضلل عليكي بورقي كله ولا في يوم تتجففي
وانتهي الحوار بينهم المره دي
وفعلا كل يوم تقوم الورده وتصحي تضلل علي بحيرتها وتحميها ومن حر الشمس تخبيها


لكن كل يوم الورده تزعل اكتر واكتر
تعمل ايه بس...ماهي شايفه رغم كل ده... بحيرتها اللي هي حياتها كل يوم بتقل
وشويه شويه نصيبها من الميه يبقي اقل
قلقت تاني الورده...حست باحساس غريب من البحيره...سالتها تاني
ماااااااااالك يا بحيرتي؟؟؟
ردت وقالت....
ماتخافيش يا ورده....ماتخافيش
حبك في قلبي اكيد هايعيش...ونصيبك من ميتي اكيد ما هاينتهيش...
ماتخافيش
سكتت الورده ...ومفيش كلمه بيها نطقت...ولا رد فعل حتي عملت
بس قالت في نفسها
"مش هاسيبك برده يا بحيره....انتي كل حياتي لو سيبتيني اكيد هموت اكييييد!!!"
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Bondok
المشرفين
المشرفين
avatar

ذكر
عدد الرسائل : 2315
العمر : 33
تاريخ التسجيل : 06/02/2007

عدد النقط
عدد النقط: 10

مُساهمةموضوع: رد: ورده بلدى   الأحد يوليو 01, 2007 5:31 pm


عدت الايام...وللاسف..لسه البحيره بتقل
اتنرفزت الورده....ماهي مش تشوف حياتها بتضيع قدامها وتقف كده ساكته
راحت للبحيره
وسالتها
قوليلي بصراحه يا بحيرتي...
انتي صحيح مش عايزاني...وانا بقيت تقيله عليكي ومش طايقاني..؟؟
لو مش عايزاني قولي وانا هاسيبك في الحال
وايه يعني اموت بعدك...ماهو الموت علينا حق وفي بعدك مش محال
عندي افضل اني اموووت ولا اني اشوف بعد جمال حبنا جمال
زعلت البحيره من كلام الورده وقالت..
بقي كده يا ورده وكلامك ده عليا يقسي!!!
بس مسير الايام هاتثبتلك حبي ليكي....واني مش بقدر اعيش من غير عينيكي
ردت الورده بحزن وقالت..
اما اشوف....الايام بيننا يا بحيرتي....ولو بتحبيني اكيد هاتثبتيلي

وتمر الايام...
ويحصل عكس اللي وعدت بيه البحيره تمام...!!!
البحيره قربت تنشف وتجف...
والورده....كل يوم املها وزنه بيخف ويخف وفكرها يدوووور ويلف
وتقول..
ليه بتعملي كده يا بحيره!!!
والله بحبك من كل قلبي وكنت بحبك ليا طايره
ليه كده بس يا بحيره!!!
وخلاص خلاص جفت البحيره
وفضلت الورده بفكرها حايره...ياتري ليه سابتني البحيره...رغم كل وعودها الورديه ليا!!

ودبلت الورده....خلاص دبلت
وراسها من الضعف هزلت ونزلت
بس فضلت فيها الروح ...لسه مش ماتت الورده
لسه عايشه .... علي امل رجوع البحيره....وتوفي بوعودها الهايله
مش عايشه خلاص بالميه...الورده لسه حيه....
عايشه علي قطرات ندي باقيه من ذكري البحيره...

وفضلت الورده...عايشه علي امل رجوع حبيبتها ... بحيرتها
ورجعت تاني لسابق عهدها وحياتها
لكن رجعت ورده...
عرفت معني الحب...والحيره...والشوق ...وكمان القسوه...
مكسبها ان الحب ...لمس قلبها لمسه
وغيرها بيتمني انه بس يقرب و يسمع منه همسه

وخلاص خلاص رجعت الورده
ورده وحيييييييده وسط الصحراا


ودي حكاية ....



ورده بلـــدي

_________________

Bondok
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Bondok
المشرفين
المشرفين
avatar

ذكر
عدد الرسائل : 2315
العمر : 33
تاريخ التسجيل : 06/02/2007

عدد النقط
عدد النقط: 10

مُساهمةموضوع: رد: ورده بلدى   الأحد يوليو 01, 2007 5:32 pm

انا عارف ان القصه دى طويله
هيه طبعآ منقوله
بس حلوه بجد
ياريت اعرف رايك فيها ايه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
amr_3mdahab
جندى اسطورى
جندى اسطورى
avatar

عدد الرسائل : 85
تاريخ التسجيل : 31/01/2007

مُساهمةموضوع: رد: ورده بلدى   الأحد يوليو 01, 2007 10:06 pm

aktar men hayla ya bondo2 fazee3a good work ya man w teslam 2eedak
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المصارع للسلام
امير اسطورى
امير اسطورى
avatar

ذكر
عدد الرسائل : 1267
العمر : 31
Localisation : أسكن في قلوب من يحبونني وأرجو ألا أخذلهم أبدا
Emploi : study in the faculty of dental
hoppies : مش فاهم يعني إيه loisirs ده
تاريخ التسجيل : 08/05/2007

عدد النقط
عدد النقط: 10

مُساهمةموضوع: رد: ورده بلدى   الإثنين يوليو 02, 2007 4:11 am

مشكور على المجهود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dondon!
المشرفين
المشرفين
avatar

انثى
عدد الرسائل : 830
Emploi : student at faculty of commerce english section
تاريخ التسجيل : 05/04/2007

عدد النقط
عدد النقط: 0

مُساهمةموضوع: رد: ورده بلدى   السبت يوليو 14, 2007 1:31 pm

قصه حلوة قويLaughing

_________________
استضافة الملف بواسطة موقع روز لتحميل الملفات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
semsema89
امير اسطورى
امير اسطورى
avatar

انثى
عدد الرسائل : 570
العمر : 29
تاريخ التسجيل : 19/02/2007

مُساهمةموضوع: رد: ورده بلدى   الجمعة يوليو 27, 2007 2:34 am

يسلم ايدك يا بندوق اقصه تحفه
بجد طويله بس بتشد ومش تقدر وانت بتقراها تزهق او تمل
hey Laughing hey
سلااااااااااااااام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ورده بلدى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الأسطورة :: قهوة العواطليه :: كلام فى سرك-
انتقل الى: