اضحك كركر

موضوع: اضحك كركر الأربعاء يوليو 04, 2007 12:59 pm

كان فيه خمسة بلديتنا سموا نفسهم الشجعان التلاتة

مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي الكلب

واحد اسود اتجوز واحدة سودة زيه.. جابوا ولد ابيض.. سموه مش ممكن

واحد بلديتنا نزل يتمشي.. جابوه من ع الحدود

مرة واحد موهوب لكن منحوس خطرتله فكرة, قال باخد نملة وبعلمها فن الباليه, فعلا أخد نملة وعلمها فن الباليه وتعب عليها كتير وكان متوقع انه حياخد فيها جايزة نوبل, فراح يعرضها على اعضاء المجلس بس وهو في الطريق لاقى طفل صغير بعيط قاله بتعيط ليه يا حبيبي ما تزعلش وفكر وقال افرجه النملة راح يفرح، فرجه على النمله وقاله هاااااااا ياحبيبي الولد أخد النملة فعصها فماتت وقاله دى نملة . الراجل اتجنن واخدوه على مستشفى المجانين وقعد فيها عشرين سنة, بعد ما طلع قال لازم اعملها كمان مره وفعلا قعد عشر سنين يعلم نملة تانيه فن الباليه لما خلص راح يعرضها علي المجلس بس وهو في السكة قال لازم اجرب ردود الفعل على اي واحد بس المهم مش صغير ، لاقى رجل واقف بعيد قال هو ده راح لعنده اعطاه النمله وقاله لو سمحت قولي ايه رايك؟؟؟؟؟ الراجل اخد النملة وفعصها وقاله انا قولتلك من تلاتين سنة انو دى نملة.

واحد سنانه كلها طايرة ما عدا الانياب... قدم علي وظيفة عينوه خرامة

واحد بيسأل صاحبه هو ايه الفرق بين تجارة الحشيش وتجارة المنصوره؟ قام صاحبه قاله تجارة الحشيش15 سنه انما تجارة المنصوره أقلها 25 سنة

مرة اتنين بلديتنا ماشيين ف الصحرا... طلع عليهم اسد... راح واحد منهم رمي عليه طوبة وطلع يجرىىىىىى... وبص وراه لقي صاحبه واقف ما بيجريش... قال له مش بتجري ليه؟ قال له واجري ليه؟ هو انا اللي ضربته؟؟؟؟؟

واحد أعمى فتّح ... من الفرحة اتشل

واحد بلديتنا حب يعمل ارهابى.. خطف ابنه.. محدش سأل عليه قتله

مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش هاتحلم بيهم تاني
خالص... قاله خليها بكرة يا دكتور علشان النهاردة ماتش النهائي

واحدة بخيلة بعتت ابنها يشترى 3 ارغفة ليه وليها و لابوه
ولما رجع بالعيش وجدها تنتظره ملهوفة فى الشباك وتقول رجع الرغيف التالت ابوك ماااااات

بيقولك يا سيدى مرة حجا كان رايح للسوق فقابل واحد صاحبه فى الطريق فسأله :
صاحبه : إزيك يا جحا أخبارك إيه .. إنت رايح فين كده ؟؟
جحا : رايح أشترى حمار من السوق .
صاحبه : طب يا أخى قول إن شاء الله .
جحا : و أقول إن شاء الله ليه ما الفلوس فى جيبى .. و الحمار فى السوق !!!!
المهم جحا مشى و راح السوق و رجع كمان شويه من غير الحمار فقابله صاحبه تانى ....
صاحبه : إيه يا جحا أمال فين الحمار اللى إشتريته ؟؟!!
جحا : إن شاء الله الفلوس إتسرقت

بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو ايه رايك في الديمقراطية ياحاج؟؟.. فرد الحاج : والله أحسن من الكيلوبترا

- واحدعبيط اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ، هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة

- فى المتحف المصرى سأل الولد أبوه ,تمثال مين ده يابابا؟ ,رد الاب : مش عارف يابنى ...... طب صورة مين دى يابابا؟ , مش عارف يابنى ..... طب مين اللى محنطينه هناك ده يا بابا ؟؟ , مش عارف يابنى ..... شوية و أم الولد قالتله: ياواد بس بقى كفاية اسئله تعبت أبوك ........, رد أبوه : ياوليه خلى الواد يسال علشان يتعلم

- و بعد انتشار فكرة التزوير فى الصعيد ... واحد صعيدى جه يزور فلوس قام جايب ورقة بعشرين جنيه ...... فراح رسمها كويس قوي وكتب بدال العشرين .. 18 ... ونزل عشان يفكها ، فقابل واحد وقال له ممكن تفكها لي جنيهات فقال له الراجل زورتها ازاي ؟؟ قام خاف و خد بعضه و جرى ، و بيفكر ازاي الراجل عرف انها مزورة ، فراح يجرب يفكها من ابن عمه ، فقال لابن عمه ممكن تفك لي الــــ 18 جنيه دي جنيهات ، فقال له ما فيش جنيهات فكه ، تاخد ورقتين بتسعة

- اتنين مساطيل قاعدين وبعدين فى جنازة معدية عليهم ... وعلى نفس الطريق فى عربية نقل جاية بسرعة فائقة ..... فالجنازة تركت الميت وجريت .... وفجأه العربية ضربت فرامل وتفادت الجنازة ..... فالمسطول قال لصاحبه تصدق .. الميت ده انكتب له عمر جديد

- مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف

واحد راح للدكتور بيحكى له عن حالته وبيقول انا كل يوم باصحى الآقى نفسى مندهش ، كل مرة بأ صحى الآقى نفسى مندهش .... راح الدكتور كاتب له على علاج .... فصحى تانى
يوم لقى نفسة مش مندهش ............. فإندهش

واحد نذل اختلف مع ابوه طلع من البيت وكتب عليه هنا مقر طالبان

بخيل بنى مـسـجـد شـاف الناس اللي بيدخلوه كثير قـلـب
الـمـسـجـد مـطـعـم

مجانين حط لهم الدكتور أغنيه ... قامو يرقصون الا واحد !! قال له
الدكتوور ليه ما بترقصش معاهم ليه؟ قال اصل انا العروسة

طفل صغير سال امة ازاى انا جيت الدنيا قالت له حطيت شوية سكر تحت
السجادة لاقيتك جيت ... راح الطفل حاطط شوية سكر تحت السجادة... يومين و
لاقى صرصار فقال له لو مكنتش ابنى كنت قتلتك

غبى شاف مقهى انترنت مكتوب عليه الساعه بــ 3 جنيه .... دخل يسأل
هي ضد الماية ؟؟

اتنين سكرانين ماشيين...فواحد قال للتاني:لما أموت ابقى اشرب لي الكاس
بتاعي ....فصاحبنا مات ، وبعد كام يوم التاني راح البار وطلب كاسين... قاله:
ايوه بس انت لوحدك.... فحكى له على الموضوع .....وبقى كل يوم يشرب
كاسين...لحد ما فى يوم طلب كاس واحد ........الراجل قالوه اشمعنى...قاله:
اصل انا بطلت اشرب

مرة اربع صاعيدة داخلين امتحان فاجلهم سؤال فى الامتحان وهو كام
عدد ارجل المعزة فكلهم سألو صاحبهم حسنين ووما كنش بيرد عليهم فالما خلص
الامتحان قالولو انتا ما قولتيلناش لية قالهم المراقب كان جنبى ومعرفتيش اطلع
المعزة هههه

مدرس جغرافيا جاب لمراته هدية سلسلة جبال

واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ..... وقابل موظف اخر وسأله عن الفراخ المدبوحة ومقطعه
فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع .....
طلع الدور الرابع وقابل موظف اخر وقال له عايز فراخ مدبوحة ومقطعه ومكيسة
فرد الموظف وقال له مافيش فراخ بس ايه رأيك فى النظام

موضوع: رد: اضحك كركر الأربعاء يوليو 04, 2007 1:02 pm

التطـــــــــور الطبيــــــــــــعى للرجل
بحبك
بعد 6 اسابيع : بحبك بحبك بحبك ... بحبك
بعد 6 شهور : اكيد بحبك
بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟
بعد الشغل
بعد 6 اسابيع : حبيبتي انا جيت من الشغل
بعد 6 شهور : انا رجعت :
بعد 6 سنين : فين الاكل ؟؟
جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! انا عندى صداع
وقت الغدا
بعد 6 اسابيع : ماكنتش اعرف ان نفسك حلو اوى كدة
بعد 6 شهور : عاملة ايه النهاردة
بعد 6 سنين : بامية تانى
لما تشترى فستان جديد
بعد 6 اسابيع : مبروك ياحبيبتي , هياكل منك حتة
بعد 6 شهور : انتى جبتى فستان جديد تانى ؟
بعد 6 سنين : همم بكام ؟
لما يتفرجوا على فيلم
بعد 6 اسابيع : تحبي نشوف فيلم ايه ؟
بعد 6 شهور : ماتقلبيش المحطة انا عايز الفيلم دة
بعد 6 سنين : انا رايح السينما , نامى انتى بقى
لما تعزم اصحابها
بعد 6 اسابيع : وماله اهلا بيهم فى اى وقت
بعد 6 شهور : انتى كل اسبوعين هاتعزميلنا حد ؟
بعد 6 سنين : يوووووه دة مابقاش بيت
لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟
لما ييجى عيد ميلادها
بعد 6 اسابيع : معلش كان نفسي اجيبهولك الماظ
بعد 6 شهور : خدى 50 جنيه وهاتى اللى انتى عايزاه
بعد 6 سنين : مش عيد ميلادك كان السنة اللى فاتت هوكل سنة ولا ايه !؟
فى العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك
بعد 6 سنين : مش لازم كحك السنة دى .. انتى تخنتى اوى
وهى رايحة للدكتور
بعد 6 اسابيع : حبيبتي قولى لى قبلها عشان اعمل حسابي فى الشغل
بعد 6 شهور : خدى مامتك ولا حد من صحابك
بعد 6 سنين : دكتور دكتوووووووور .. مانتى زى البمب اهو
المولود الاول : زى القمر .. شبهك
المولود التانى : شبه اخوه
المولود التالت : ياريت تخللى بالك المرة الجايه

الشارع فاخدهم عالبوكس و هم فى الطريق صعبو عليه قالهم عايزين تروحو قالولو ايوه يا باشا و الله تبقى ميه ميه
قالهم خلاص اللى حيقولى جمله فيها كلمه ( لع ) حنروحو
الاول قاله انا اسرق و اقتل و اعمل كل حاجه لكن اشرب خمره لع قاله خلاص اتوكل على الله
التانى قاله انا اقتل و اشرب خمره و اعمل كل حاجه لكن اسرق لع قاله خلاص اتوكل على الله
التالت قاله يا باشا لو قلت لك الحقيقه حتصدقنى الضابط قاله لع قاله اتوكل على الله يا باشا

*كان فى مره واحد اعمى و واحد مكسح راكبين على عجله جات عربيه خبطتهم
المكسح قال للاعمى نطلع نجري وراها الاعمى قاله خلاص يامفتح انا اخدت نمرتها

*كان فى مره 2 اخوات محششين عايزين يولعو سجارتين و مش لاقيين حاجه يولعو بيها الاول قال للتانى روح يابنى شوف لنا علبه كبريت نولعو بيها السجارتين راح نزل الشارع و كل مايسأل واحد معاك علبه كبريت يقوله لأ مماعييش الا و لاعه يقوله لا خلاص ماتنفعش
اخر مازهق راح لاخوه و قاله مفيش حد معاه علبه كبريت كلهم معاهم و لاعات اخوه قاله ياغبى كنت هات ولاعه اهى حتولع برضو اخوه التانى قاله انت ماقلتليش هات و لاعه قاله خلاص روح دور لنا على ولاعه
نزل الشارع يدور على ولاعه كل مايسأل واحد معاك و لاعه يقوله لأ مماعييش الا علبه كبريت يقوله خلاص ماتنفعش
اخر مازهق راح لاخوه و قاله مفيش حد معاه ولاعه كلهم معاهم علبه كبريت قاله و الله انت غبى انا مش لسه قايللك من شويه روح هات علبه كبريت دانت غبى خالص طفى ياد الشمع و اتخمد

*مره مدرس فى حصه الدين بيسمع للعيال السور سال واحد اسمك ايه قاله محمد قاله خلاص سمع سوره محمد
سال التانى اسمك ايه قاله ابراهيم قاله خلاص سمع سوره ابراهيم و سال التالت اسمك ايه قاله يوسف قاله خلاص سمع سوره يوسف
سال واحد اسمك ايه قاله كوثر

سألت الام ابنها ليه يا حبيبي كل يوم الصبح بتروح وبتسقي الدجاجة ماء مغلى؟ قاللها علشان بدي تبيضلي بيض مسلوق...

واحد خلف ولد واصبح عمره خمس سنين وما يتكلم... في يوم الولد تكلم وقال:خالو...ثاني يوم... مات خالو. بعد اسبوع قال:اخوي... ثاني يوم... مات اخوه. وبعد اسبوع قال:بابا... الاب كتب وصيته على اساس انه راح يموت ثاني يوم... مات جارهم...

فيه ديك عنده زكام ليه؟؟؟؟؟؟؟؟؟؟ متزوج دجاجة مجمدة

واحد قتل حماته، الظابط بيسأله اسمك ايه؟ قاله :اكتب فاعل خير

واحد طويل كتيــــــر شرب حليب مات متسمم ..ليه؟؟؟؟؟؟ انتهت صلاحية الحليب قبل مايوصل معدته...

في شيء له جناحين وما بيطيروله عينين وما بيشوف وله رجلين وما بيمشي ما هو؟ عصفور ميت

حماةعاوزه تشوف ازواج بناتها اذا كانو بيحبوها زارت أول واحد وعملت حالها تزحلقت فحملها وركض بيها عند الدكتور وفي اليوم التالي شاف على باب بيته سيارة بيجو ورسالة مكتوب فيها من حماتك,زارت التاني وعملت نفس الشيء فحملها كمان وراح لعند الدكتور وباليوم التاني شاف سيارة بيجو ورسالة مكتوب فيها من حماتك.زارت التالت وعملت فيه نفس الشيء فتركها ونتيجة الزحلقة توفت. تاني يوم شاف سيارة مرسيدس ورسالة مكتوب فيها من حماك.

كان القائد المشهور بالقسوة يستعرض جنوده فوقف أمام جندي وسأله: ما اسمك؟ فقال: عبد الجبار يا سيدي. وما الذي تمسك به؟ فاجاب بندقيتي يا سيدي، فرد عليه القائد موبخا : ليست بندقيتك بل هي زوجتك وعرضك وشرفك. ثم انتقل الى الجندي الذي يليه: ما اسمك؟ رد عليه الجندي: كامل يا سيدي. وما هذا الذي تمسك به؟ فأجاب: زوجة عبد الجبار يا سيدي.

السكرتيرة: انا اسفة المدير قاللى اقول انه مش موجود رد عليها الزائر :طيب قوليلة انى ماجيتش

واحد راح مطعم في فرنسا. كان عايز يطلب صحن شوربه قال للجرسون: "جارسو أنا عايز واحد شوربو" فاجاب الجرسون: باردو؟ قال الراجل لا وحياتك سوخنو..

فرخة استحمت بهد اند شولدر باضت بيضة من غير قشرة

واحد لقى فانوس سحري طلعله المارد وقال: شبيك لبيك اطلب أنا بين أيديك. جاوبه الشخص: عاوز كل الناس تحتاجني.. قام المارد وقلب الراجل حمّام...

مرة 3 أطفال راحوا محل لعب الاول بيقول للبياع: عمو عمو عايز بلون. جاب السلم وطلع لفوق على المخزن وجاب بلون ,نزل فسأل الثاني: وانت عايز ايه؟ .قال له بلون.. قال له ماقلتش ليه وانا فوق!! المهم طلع جاب له وهو فوق سأل الولد الثالت: وانت كمان عايز بلون؟؟؟ قال له لأ... فنزل الراجل وارجع السلم وسأله : عايز ايه؟ قاله: عايز بلونتين...

اليسا و نانسى و هيفاء قاعدين بيتكلموا فى الطياره عن الجواز
اليسا قالت انا نفسى اتجوز ضابط
و هيفاء قالت انا نفسى اتجوز واحد صينى
و نانسى قالت انا نفسى اتجوز لعيب كورة
راح واحد من اللى كانوا قاعدين سمعهم راح قايلهم
اعرفكم بنفسي العقيد شونج ميونج الشهير بابو تريكه

كان في قديم الزمان حكيم قال لإبنائه قبل ما اموت اريد ان اقول لكم شئ فقالوا ما هو يا ابى قال لهم
اريدكم ان تتحدوا مع بعض لأن لو كان كل واحد منكم بمفرده فسهل علي اي شخص اخر ان يغر به فقالوا له وماذا تريد منا
ان نفعل قال لهم اريد ان تبقوا بجانب بعض فالتقط عصا واعطاها لأبنه الاكبر فقال اكسر هذه العصا فكسرها بسهولة واعطاه اثنين مع بعض فكسرها بسهولة فاعطاه الثلاثة فكسرها بسهولة فقال لهم مادام معكم هذا البغل فلا خوف عليكم .

موضوع: رد: اضحك كركر الخميس يوليو 05, 2007 1:04 am

هههههههههههههههههههه

حلوين اوى تسلم ايديك