اقرأ هذه القطعة بتمعن شديد
"كان ليا واحد صاحبي اسمه عم مرزوق وكان شغال علي عربية نص نقل سواق يعني
وفي يوم من الايام كان سايق علي طريق مصر لندن الصحراوي كان بيوصل بضاعة
للسودان المهم حس بدوخة شديدة وحس ان عينه مزغللة وفجأه وصل بالسلامة الحمد
لله عم مرزوق بقي كان ليه واحد صاحبه تاني عنده عربية بحنطور....
انتظرونا مع بقية القصة في الدور الثاني ان شاء الله "
انسي اللي قريته ثم اجب عن خمسة اسئلة من الاسئلة الاربعة التالية علي ان يكون السادس منهما:
السؤال الاول:
اعرب ما جنب الخط (علي ايدك اليمين بعد البقال)
السؤال الثاني: استخرج الاتي :
1)جملة جميلة مبينا سر جمالها ( بس اكيد مش علشان بتستعمل فير اند لوفلي)
2)فاعل بيستعبط وعامل مفعول به
3)كلمة مرفوعة ومنصوبه ومجرورة في نفس الوقت مع توضيح علامة الجزم
4)مفعول به ومفعول بها مع القبض علي الفاعل
5)اسم علس وزن "فعليلالولالع"
6)كلمة بتتكون من حرفين لو خدنا اول 3 حروف وحطينا قبلهم ميم هتطلع كلمة ملهاش اي معني
السؤال الثالث:
"ايها الفاشل كفاك امتيازات"
انقل هذه الجملة في كراسة اجابتك ثم امسحها (رخامة)
السؤال الرابع:
كيف تكشف عن كلمة "حنطور" في المعجم العبيط
موضوع: امتحان نحون 
الثلاثاء فبراير 27, 2007 3:01 am
