كيف تصبح جبله و ماعندكش دم فى 24 ساعه .......وبدون معلم

سمعنا كلنا عن مقال طلال فيصل واللى يا عينى كان بيتشحتف فيه
على الفراشه اللى ماتت قدام عينه وما عرفش يعملها حاجه ولا يخلصها من اليرقه الغلسه
اللى هاتقضى على الفراشه وكنت هاعيط من تأثرى بأسلوبه وهو بيحكى
وبعدين فكرت كده شويه وحطيت نفسى مكانه عشان اشوف لو واحد جبله
وما عندوش دم زى حلاتى هايعمل ايه فى الموقف ده
وطبعا كان ردى حاسم وسريع وهو انى هالزقهم فى بعض
ايوا هاموتهم الاتنين عشان اريح الفراشه الغلبانه للأبد
وبعد لما انفذ الخطه دى هابتسم بهدوء او يمكن اطلق ضحكه عاليه امعانا فى
عدم الشعور بالذنب وللتأكيد على عدم وجود هذا الشئ البغيض المسمى بالاحساس
لانك فى هذه الدنيا اما ان تكون رقيقا ومن ثم ستبكى على كل شئ لان كل ما فى هذه الدنيا
يدعو للبكاء والنواح ...واما ان تكون جامدا لا مباليا وبالتالى لن ينقطع لسانك عن قول كلمه
احسن شماته فى اى حد و بعدين مش هى ام الفراشه دى اللى هاتوجع دماغنا
ولكى تصبح معدوم الاحساس زى حلاتى اليك بعض النصائح الذهبيه جربها ومش هاتندم
اولا اياك واغانى عبد الحليم او افلام عمر الشريف وكل الناس الرومانسيه دى
وعليك بأفلام عمك ستيفن سيجال وكتر من المصارعه الحره ومعارك الساموراى
وهى دى الخطوه الاولى اللى بتمكنك من نسيان التسبيل وتخليك تاخد على القسوه
وتخليك تضحك على مخاليق ربنا
تانى حاجه كتر من التلامه على قد ما تقدر يعنى عدى الشاره فى ساعه وعطل المرور
عادى يعنى هما وراهم ايه يعنى واوعى تشوف اتنين حبيبه كده وتسيبهم فى حالهم
لازم تبوظ عليهم اللحظه اللى هما فيها
تالت حاجه كتر من قول كلمه احسن فى اى موقف مؤثر يعنى
مثلا فلان مات او فلانه سقطت او مش عارف مين دخل السجن ...............أحسن
ولو ما لقيتش حد تقولهالو قولها لنفسك لو اتخبطت او اتخنقت على اساس انك ما تنسهاش بس
وبكده اقدر اقولك مبرووووووووووك انت كده اتخلصت من جزء كبير من رقتك واحساسك اللى جابوك ورا
ورابع وخامس وعاشر حاجه تقتل كل الفراش اللى يقابلك عشان تغيظ طلال الفيصل
حتى لو ماتعرفوش بس اهو تضايقه والسلام وبكده يبقى خلصت على شويه
الاحساس اللى كانو فاضلينلك
وعيش يا مان ودماغك مرتاحه ..............وادعيلى



منقول بتصرف

هههههههه


شكرا على الردود

وهانزلكم كورسات غلاسه وغباوة ........انا فاضى

بصراحه كورس الغلاسه ده جامد اوى واوعدك انى هجربه فى واحد قريبي غلس قوى قوي وشكرا على النصايح الغاليه دى وعاوزين تانى بسرعه.
[/u][/url][/i][/b]

ياه بجد الواحد محتاج الكورسات دي ياريت تنزلها بسرعه

يس الموضوع جامد جدا
عايزين من المواضيع دي كتير

خلاص اوكى هاعملكم مراجع فى الغلاسه والرخامه
وبعدين يا بوتا احنا مش محتاجين دا احنا عندنا الدكتوره (.....)
بلاش اقول اسمها لاحسن اتحبس فى الكليه

ههههههههههههههههههههههههههههههههههههه
انا متعاملتش مع دكاتره اوى علشان احكم عليهم بس اسمع انها رخمه
بس هعتبر موضوع مراجع الغلاسه والرخامه دي وعد

انا ممكن اعملها مع دكاترة بس لكن بقيت الناس لا ما اعتقدش ان الواحد وهو رخم وغلس الناس بتحبه لكن لازم يكون رقيق وحساس الاحساس دة افضل شئ في الوجود وممكن اعرف يا legend انت في كلية اية ؟

بعد 14 سنه خدمه فى المنتدى بتقوليلى اسمى ايه

فى موضوع هنا اسمه عرف نفسك ممكن
تعرفى منه كل حاجه عن اى حد هنا

بس انا مش فاهم انتى عرفتى المنتدى منين ؟؟

بالصدفة ورب صدفة...........

يعنى ايه .....عملتى سيرش على حاجه والمنتدى ظهرلك

يعين حاجة زي كدة وبعدين مرسي انا دخلت وعرفت خلاص مرسي

لا الموضوع مش كده خالص

لانى لسه ما نزلتش على السيرش

يعنى لازم يكون حد قالك عليه والله انا مش قصدي حاجه

بس اعرف عشان اعرف وسيله الاعلان اللى اعملها عشان يشترك

عندى اعضاء جامدين زيك كده

قال وانا الي كنت فاكره اني رخمه

تيجي ماما تشوف التناحه الي علي اوصولها

hahahaha

ay 7`edma
3shan mama t3raf enk malak