كلمه حب (شعر المصارع للسلام)

كلمه حب

كلمه من حرفين ....كلمة لهيب وأنين

كلمه تخلى القلب القاسي .... بكل شده يلين

مفيش بشر في الكون....منها من الفارين

خلت أشد الناس....في هوى الحبيب دايبين

عنتر بكل قوته....أصبح من العاشقين

وقيس من لوعته ....لليلى من المجانين

أوله لهفه وشوق ....فرح ونعيم وحنين

وأخره في أغلب المرات....وجع وندم وأنين

من فلت منه سلم .... من عذاب مهين

وإلي بلاه ربنا .... بيكون من التايهين

أويبقي من كتر حبه .... سجين أو من المجانين

حزين بيشكي حاله ....مش بس للعقلين

رب إبعد شره .... عن كل الموجودين

ويرفع عن المحبين .... هذا البلاء العين

[color=red]Gladiator for peace[color:31f9=red:31f9]

لاء احنا منقدرش على كده
حلو قوى
بس هو مش المفروض ده يتحط فى منتدي الادب
انا مش عارفه بس حلو قوى Laughing

مشكورة أوي ويريت كل الأعضاء يقرأوها

صح يا كوين عندك حق هو موضوع حلو قوي بس الادمين ينقله بقى

انا ليا وجهة نظر

ممكن يكون شعر ولازم يتنقل بس

الشعر ده هو أساس كلمه بحبك

هو وصف الحب بإختصار

مش عارف

بس أنا حاسس إنه هنا أحسن

وعلى العموم أنا مش معترض على النقل

يتنقل فين

سيبك منهم

هو هنا صح

وشكرآ على الموضوع

مشكور يا بندق على إنصافي

:) :)

لاء مليش دعوه هيتنقل Evil or Very Mad

طب أنا عندي حل

يكون هنا وهناك

ههههههه

عشان محدش يزعل :)

ايه يا بندق انت داخل شمال كده ليه ده حتى مفيش كلمه اهلا على العموم المصارع يحط اللي هو عايزه في اي مكان Surprised

شكرا يا دون دون ده العشم برضه

ندى اركنى فى جنب

ربنا يهديكى كده

مش علشان بقيتى مشرفه يعنى

ما بلاش يا بندق ههه بلاش نخسر بعض

انتى بتهددينى

اه بقى ايه يعني هتعمل ايه وبعدين روح العب في حتتكوا Surprised

بلاش تتخنقوا هنا يا جماعه

(ده منتدي اللمور (الحب) مش الخناق )

Sad

على فكره أول مرة أعرف أن دون دون إسمها ندي

معلومه كويسه

تسلم ايدك والله

بجد حاسه انه كلام طالع من القلب

وده اللى مخليه جااااااامد جدا

مشكوووووووووووووور

مشكور ووالله فعلا من القلب

احنا مش بنتخانق احنا بناكف في بعض بس وبعدين كويس انك عرفت ان دون دون هي ندى معلومه مفيده صح ؟

ماشي

منكم دائما نستفيد

وعلى فكره انا إسمي المصارع للسلام

مش المصارع

انا طيب أوي

ما انا عارفه بس انا مش كل مره هقول المصارع للسلام كتيره قوي يعني حاول تغيره باسم لذيذ كده

بس انا من النوع اللى الإسم بحب يكون بيعبر عن شخصيتي

وبعدين

انا فعلا كده

أصارع من اجل السلام (يعني ممكن اتخانق عشان انشر الحق والسلام)

وده إسمي من 6 سنين

مش هبقي ندل واغيره

لا ما تبقاش بس انا بقى مش هقدر كل مرة اقول المصارع للسلااااااااااام

hhhhhhhhhhhhhhhhhhhhh

hhhhhhhhhhhhhhhh

ايه يا بندق عجبتك ؟

» مجموعه أنا شيد بمعدل كل يوم واحد (من المصارع للسلام )
» اوصف اللي قبلك في كلمه
» ايه اصعب كلمه ممكن تقولها