كلمات اغانى فيروز

يا مختار المخاتير بحكيلك الحكاية
أنا ما بحب الشرح كتير و لا في عندي غاية
بدي تفللني بكير يا مختار المخاتير
هني كانوا زعلانين أنا شو بدي فيهن
الكبرات العشقانين زعلوا أهاليهن
حطوا الحق عليي قالوا هالحشرية
يصطفلوا شو ما صار يصير
و خلي هالزير بهالبير أه يا مختار المخاتير
صار في خناق و صار في ناس كلن شهدوني
و كراكون و هيصة و حراس لعندك جابوني
تاري في محاكم في محكوم و حاكم
شو كان بدي بهالتعتير
و بخاف من الحبس كتير أه يا مختار المخاتير


كان زمان



كان الزمان و كان في دكانة بالفي
و بنيات و صبيان نيجي نلعب عالمي
يبقى حنا السكران قاعد خلف الدكان
بغني و تحزن بنت الجيران
أوعى تنسيني و تذكري حنا السكران
نحنا و العصافير كنا بالحي ندور
صوب الدكان نطير حاملين غمار زهور
يبقى حنا السكران ملهي و على الحيطان
عم بيصور بنت الجيران
حلوة ببيت الجيران راحت بليلة عيد
و انهدت الدكان و اتعمر بيت جديد
و بعدو حنا السكران على حيطان النسيان
عم بيصور بنت الجيران

شايف البحر شو كبير



شايف البحر شو كبير كبر البحر بحبك
شايف السما شو بعيدي بعد السما بحبك
كبر البحر و بعد السما بحبك يا حبيبي بحبك
نطرتك أنا ندهتك أنا رسمتك على المشاوير
يا هم العمر يا دمع الزهر يا مواسم العصاقير
ما أوسع الغابة وسع الغابة قلبي
يا مصور عبابي و مصور بقلبي
نطرتك سنى يا طول السني و اسأل سجر الجوز
و شوفك بالصحو جايي من الصحو و ضايع بورق اللوز
ما أصغر الدمعة أنا دمعة بدربك
بدي أندر شمعة و تخليني حبك

يا انا يا انا



يا أنا يا أنا أنا وياك صرنا القصص الغريبة
يا أنا يا أنا أنا وياك و انسرقت مكاتيبي
و عرفوا انك حبيبي
يا أنا يا أنا هرب الصيف هربت عناقيد الزينة
وإذا ضيعني الهوى شي صيف بقلبك بتلاقيني
و خبيني و لا تخبيني
لياليك بعينيي شبابيك مضويي
سفرني حبيبي سفرني بلياليك
و أنا قول لا تنسى على طول لا تنسى
و عيونك تاخدني و توعدني بلياليك
تركوا تركوا سهر البال و العاشق لم جناحو
تركوا أساميهن عالباب على كتب الدمع و راحوا
نسيونا و أرتاحوا

دبكه لبنان





دبكة لبنان بالملقى دبكة شيل السواعد
نزلوا الفرسان عالحلقة و السيف الأبيض واعد
ضاق الميدان بضيوفو و الملعب لان لسيوفو
طلوا الغزلان تيشوفوا و الساعد يشبك ساعد
نزلوا الصبايا يضحكوا بخصورن العيوقا
ما تقول خيال اتكوا عرماحن الممشوقا
و دراج الدار علياني بشلوح النار تعباني
شاعر حامل غمر غناني و قاصد جيرتكن قاصد
خطروا الأصايل يرمحوا وصلوا عباب الساحة
زاح البرج من مطرحو لخيولن الرماحة
طل من غياب و اطلع و أرتج الباب و أتشرع
يا سنين العز العم يرجع قصرك عالعالي صامد
على الدار رجعوا صحاب الحاميي
خلوا الدار بالباشاير معليي
وين العيد وين عيون الدباحة
تشيل العيد و ترشو ملو الساحة
و من بعيد طلوا خيول الرماحة
زيد و زيد عمر صحاب الحاميي
يحلى يحلى ... يحلى لعيونك
يعلى يعلى ... يعلى و معافى
و مسيجة بالعز مسيجة
و مسورة بالخيل مسورة
و محصنة عالعالي محصنة و منورة

بحبك يا لبنان



بحبك يا لبنان يا وطني بحبك
بشمالك بجنوبك بسهلك بحبك
تسأل شو بني و شو اللي ما بني
بحبك يا لبنان يا وطني
عندك بدي إبقى و يغيبوا الغياب
إتعذب و إشقى و يا محلا العذاب
و إذا إنتا بتتركني يا أغلى الأحباب
الدنيي بترجع كذبة و تاج الأرض تراب
بفقرك بحبك و بعزك بحبك
أنا قلبي عاإيدي لا ينساني قلبك
و السهرة عا بابك أغلى من سني
و بحبك يا لبنان يا وطني
سألوني شو صاير ببلد العيد
مزروعة عالداير نار و بواريد
قلتلن بلدنا عم يخلق جديد
لبنان الكرامي و الشعب العنيد
كيف ما كنت بحبك بجنونك بحبك
و إذا نحنا إتفرقنا بيجمعنا حبك
و حبة من ترابك بكنوز الدنيي
و بحبك يا لبنان يا وطني

غنيه مكه



غنيت مكة أهلها الصيد و العيد يملؤ أضلعي عيدا
فرحوا فلألأ تحت كل سما بيت على بيت الهدى زيدا
و على أسم رب العالمين على بنيانهم كالشهب ممدودا
يا قارئ القرآن صلي لهم أهلي هناك و طيب البيدا
من راكع و يداه أنساتاه أليس يبقى الباب موصودا
أنا أينما صلى الأنام رأت عيني السماء تفتحت جودا
لو رملة هتفت بمبدعها شجوا لكنت لشجوها عودا
ضج الحجيج هناك فاشتبكي بفمي هنا يغر تغريدا
و أعز رب الناس كلهم بيضا فلا فرقت أو سودا
لا قفرة إلا و تخصبها إلا و يعطي العطر لاعودا
الأرض ربي وردة وعدت بك أنت تقطف فإروي موعودا
و جمال وجهك لا يزال رجا ليرجى و كل سواه مردودا

آخر ايام الصيفيه



أخر إيام الصيفيي و الصبيي شويي شويي
وصلت عاساحة بميس الريم و إنقطعت فيها العربيي
أخر إيام المشاوير في غيمي زرقا و برد كتير
وحدي منسيي بساحة رماديي أنا و الليل و غنيي
تأخرنا و شو طالع بالإيد حبيبي و سبقتنا الواعيد
أنا لو فيي زورك بعينيي و عمرا ما تمشي العربيي

[color:95f3=#ff0000:95f3]

سالوني الناس



سألوني الناس عنك يا حبيبي
كتبوا المكاتيب و أخدها الهوا
بيعز عليي غني يا حبيبي
و لأول مرة ما منكون سوا
سألوني الناس عنك سألوني
قلتلن راجع أوعى تلوموني
غمضت عيوني خوفي للناس
يشوفوك مخبى بعيوني
و هب الهوى و ما كان الهوى
لأول مرة ما منكون سوا
طل من الليل قلي ضويلي
لاقاني الليل و طفى قناديلي
و لا تسأليني كيف إستهديت
كان قلبي لعندك دليلي
و اللي إكتوى بالشوق إكتوى
لأول مرة ما منكون سوا

الله معك يا هوانا




الله معك يا هوانا يا مفارقنا
حكم الهوي يا هوانا و اتفارقنا
و يا أهل السهر يللي نطرونا
بكرا إذا إنذكروا العشاق ضلوا إتذكرونا
يا حزن السعيد إنتهينا و إتودعنا
ما بنسى شو بكينا و صلينا تاتضلك معنا
و يا أهل الهوى يللي نطرونا
بكرا إذا إنذكروا العشاق ضلوا إتذكرونا
نبقى سوى و صوتك بالليل يقلي و أنا عم إسمع
بحبك حتى نجوم الليل نجمي و نجمي توقع
و خلص الحب و سكتت الكلمي
و إتسكر القلب ما وقع و لا نجمي
ما تاري الكلام بيضلو كلام
و كل شي بيخلص حتى الأحلام
و الإيام بتمحي إيام

خطه قدمكن




يا قمر مشغرة يا بدر وادي التيم
يا جبهة العالي و ميزرة بالغيم
قولوا إنشا الله القمر يبقى مضو و قمر
لا يطال عزو حدا و لا يصيب وجو ضيم
خطة قدمكن عالأرض هدارة
إنتوا الأحبا و إلكن الصدارة
خطة قدمكن عالأرض مسموعة
خطوة العز جبهة المرفوعة
و يا حلوة اللي عالحلى عم توعى
عنقك العقد و إيدك الإسوارة
طالع عاشهب النار مهرك طالع
و البرج بالزيني الغريبي والع
ضحكت صبيي و حليت المطالع
شعرك قصيدة و الخصر بزارة
طيري و خلي هالقلوب يطيروا
بلكي الهوا بيبعد نواطيرو
يا صبح ورد و زقزقوا عصافيرو
إنت الهوى يا نجمة القمارة

يا حجل صنين



يا حجل صنين بالعلالي يا حجل صنين بالجبل
خبر الحلوين على حالي خبر الحلوين يا حجل
يا حجل عالمي إنتا و رايح زور هاك الحي رايح رايح
و جيب خصلة في عالجوانح و زقرنا عالمي يا حجل
يا حجل و إنزل عالبيادر سابق الخيال إنت و طاير
و إن أنا عالبال حبي خاطر قلو صرت خيال يا حجل
بيتهن عامطل هيك القاطع عالدنيي بيهل بابن واسع
أنا بدي فل صوبن راجع و إنتا وحدك ضل يا حجل

عللي عللي



يوه يوه يوه يوه يوه عللي
عللي عللي طير و عللي عللي فرس و قمر التلي
عالعنقود عيد الغلي أوف عللي
عللي عللي بلد مروج و الهوا سجرة عم بتموج
سبقتنا قصتنا و إنشتل الورد بحارتنا
و عيونك قمريتنا و إسأل إسأل إسأل عللي
عللي طاير بالمواويل و الهوا سجرة عم بتميل
غنيي منسيي عادروب الأرض الجبليي
مكتوبي على عينيي و إسأل إسأل إسأل عللي
جايي جايي و تكي عالباب يحكي عتبو للأحباب
حنينا و حبينا و بليالي الشوق إتلاقينا
و إيامك تعب علينا و إسأل إسأل إسأل عللي

دقوا المهابيج



تلفي خيامن لهن من الصحارى البعيدي
و تضوي على ظلهن نار الليالي السعيدي
و ما في حدا يدلهن عن الجراح الوجيدي
و ترحل خيامن لهن و أني وحيدي
يابا أوف يابا أوف
دقوا المهابيج خلي الهوا جنوبي
صوت المهابيج ينده يا محبوبي
و الريح السودا تهيج دقوا المهابيج
شدوا الخيام غرب جناح الطير
و هوا الخيام يندهني شد السير
و الريح السودا تهيج دقوا المهابيج
على باب الليل صوت علينا الديب
و نسيم الليل ياخد عتب و يجيب
و الريح السودا تهيج دقوا المهابيج
عالالا و لا لا و لا لا
شمس الضحى خيالة عيني يا لالا شوقي يا لالا
غربوا صوب العالي و ضو القمر ناطرهن
و أني لاٌقعد لحالي ويلي في الليالي أنطرهن
أني لأشرف عالوادي و قلا يا شمس غيبي
خوفي نورك يحرقني ويلي و ما يعرفني حبيبي
تحت الشجر سهراني و قدح بالسور عيوني
خوفي النعس ياخدني ويلي و إنتوا تروحوا تنسوني
قلبها الولهان عا نجما
واهدر بسيوف يا ويل حامي
يا ويل يا ويل ياخدني لحالي
أخذوا حبي و راحوا شمالي
يا ويل يا ويل يا ويل حالي
أخذوا حبي و راحوا شمالي

يا شاويش الكراكون



أرضك غنيي ماشاالله
بيوتك رضيي من الله
عاجبالك العز رايي عليي خاف الله
يا شاويش الكراكون و حياتك لا تآخرنا
إم الأصفر عالبلكون قالت بدا تنطرنا
يا شاويش الكراكون الكراكون الكراكون
ردت ردت قمطتها عالغرة العسليي
و الشوق اللي بلفتتها من إيام الصيفيي
و لما طارت غرتها و الهوا لوح جبهتها
غربتنا بجوز عيون عيون عيون عيون عيون
شدت شدت زنارا عازهور الخصر المايل
و الياقوت المحتارة مشغولي بالجدايل
و لما بهيك الإشاره يقلا بحبك يا جارا
قالت حبي كلو جنون جنون جنون جنون جنون

ما نام الليل



ما نام الليل سهران محبوبي شفتو من بعيد و ما عرفتو مين
نحنا رايحين و الهوا جنوبي و هني عالدار يا دار جايين
طار الحمام طار من خلف الدار طار
و حبيبي بعدو حبيبي و النار تزيد نار
ينده من فوق و يقول لا تنامي جايي من البرد و كروم التين
خايف لتروح بالشوق إيامي صاروا الإيام عاحدود تشرين
يا قمرنا روح روح جايي الحبيب روح
و السمرا تكت عاحالا لايل الهوى يبوح
يا دنيي كيف ما كنتي كوني ينسونا الناس و صار تخمين
حبيبي ساكن بلون عيوني عيوني الحلوين عاطول حلوين
علي الدار يا حبيبي .. على الدار يا حبيبي

مضوية




مزروعة مزروعة جناين داير من دار
و بتضلا موجوعة تاتعطي الأرض قمار
مضويي مضويي بالعز و بالأشعار
بتموج و متكيي عالزنبق ليل نهار
يا بيوت البتلالي عاتلال و خلفا تلال
عالي وردك عالي و زرارو ما بنتطال
وصلني وصلني خدني لا تسألني
عاشي نسمي إحملني و إشلحني بهاك الدار
حياني و غرقاني بالغيم و بالشربيش
با بنية تعباني بعيونا الحلوين
بكتني إيامو البيت الحلوي خيامو
بهالباب القدامو في ورد و بنك جرار
كرمك الله يزيدو اللى مشعشع هون و هون
الخير البعناقيدو عم بيفيي عالكون
فتحتلي لحالك طاقة عالأرض المشتاقة
يللي قلبك باقة حب و آلفة و قمار
يابا يابا يابا يابا ياباأوف
لاقونا يا أهل الدار
جبنا الورد غمار غمار
لاقونا يا أهل الدار
جمعناها نجوم الليل
لاقونا يا أهل الدار
و سيجنا داير من دار
لاقونا يا أهل الدار
دنيي ترفرف عالميلين
و طير مشوح مدري منين
بعدك يا نبتات العين تودينا و تدق خبار

مراكبنا عالمينا



مراكبنا عالمينا يا رجعة الصواري
قلبي ناطر عالمينا و حبيبي منو داري
ضحكتلك شواطينا يا مراكبنا العالمينا
نطرني عالرمل و قال بكرا أنا جايي
لوحتلو بهاك الشال و الدمعة مخبايي
ماتاري حبيبي حد الشمس الغريبي
عم يكتب أسامينا يا مراكبنا العالمينا
ياما صليت و طليت عالبحر قدامي
حتى شوقك صوب البيت راجع بالسلامي
مش عابالي هديي من جزيري منسيي
ردي لي ليالينا يا مراكبنا العالمينا
رجعوا البحارة و الريح مربوطة عالياطير
و البحر مزيح تزييح و قلبي الناطر ناطر
يا خضرا و سلامي يا جوانح الحمامي
يا زهرة شواطينا يا مراكبنا العالمينا

يا مغزال



لروح بين الشمس و الفيي و بواب حلوي تشرق عليي
سلم عالبيوت العا هالطرقات و حاملي بلادي بعينيي
و يا مغزال العم تغزل و الغزل داير .. داير
حكي تغزل قصص تغزل تغزل حراير .. راير
للعصفورة الأمورة بدنا نعمل تنورة
إلها عقد زغيورة و الكشكش طاير
يا معلم ركز ميزانك عالخيط و يللا .. يا معلم
تاالجسر يهل و بنيانك حيط و يتعلى .. يا معلم
و إرجع لوح للسمرا تاتجيب محرمتا الحمرا
و توديها و تدهن فيها لون سطوح العماير
يا كرام إنطر كرومك عا راس الوادي ..يا معلم
حليو عناقيدن يا همومك من هالصيادي .. يا معلم
و الخوف لما بيطلوا الحلوين بدن يتسلوا
أوعى تغفا كونك تسأل بكرا كرمك شو صاير
يا شب اللي خالص شغلك وقف حاكيني .. يا معلم
أنا خلصت شغلي متلك لو بتلاقيني .. يا معلم
و ندور نرقص عالدبكي و كل مين رح يحكي يحكي
إنتا قبالن يانيالي و الهوى فينا طاير

يا ناطور القمرية



يا ناطور القمريي بدي وصيك وصيي
خلي السمرا تساوي شعرا و تلحقنا عالسهريي
و لمن عالسهرا بتطل وغرتها الحلوي بتهل
منمسك عالدبكي و مندور بساحات الورد و منضل
تاتتعب الغنيي و تدبل عينين الصبيي
و بتطيب السهرا و بتحن لما بتطليعة بتجن
دخلك خلي الضو شحيح خلي صوت الناي يعن
خليك مضوي عليي و متل اللي بقلبك منسيي
و إن جرحني الحب و صار في بيني و بينك أسرار
لا تفرفت قصتنا هيك متل البيفرفت زرار
خبي الوردي البريي و خبيها بشي مزهريي

قلتلك شي



قلتلك شي لا لا لا زعلتك شي لا لا لا
ليش لاعليي بتتعالى و تضل تقلي لا لا لا
قالولي كتير قالولي و فتحولي بواب
ياما الجيران حكيولي و قلبي ما تاب
يا طير الفوق وديلي من زهر الشوق تشكيلي
و الوردي تقول لاحالا علياني و ما فيك تطالا
شفتك عالبير ناطرني و قصدت البير
متل اللي الحب غيرني و فزعت كتير
بنت الجيران زعلاني قلبا غيران عتباني
ما بتسأل كيف حوالا و الحلوي تودي مرسالا
يا شغل البال يا حبي يا هم البال
و إسأل إسأل يا قلبي عالولف إسأل
عباب البيت عم غني إن كنك حبيت طمني
و المابتحب نيالا بيضلو فاضي بالا

جبلية



دبكة دبكة يللا الدبكة
جبليي النسمي جبليي و الملقى الطيب طايب
ردي الجدايل يا صبيي وصلوا وصلوا الحبايب
جبليي النسمي و مرتاحة و فتحت للحب جناحه
و الصبيي عند الميي ترقص و تطير الساحة
سألوا سألوا طلوا و سألوا أهلك عنا طلوا و سألوا
و الصبيي اللي ملهيي أخدتها النسمي الجبليي
جرحني مبارح موالك خبرني كيف احوالك
وين بترحل وين ما بتزل أنا مكتوبي على بالك
كتبوا كتبوا سهروا و كتبوا و اللي عشقوا سهروا و كتبوا
و الصبحيي إسأل عليي و بعتلي النسمي الجبليي
يا طير المن عندن طاير يا محمل بالبشاير
نحنا نطرنا و تحسرنا و الفرح عندن داير
يا حجل يا حجل قلن يا حجل ما مننساهن قلن يا حجل
و بعينيي في خبريي سرقتها النسمي الجبليي
حضرة الشخص بيشكركن
و مضطر يواصل طريقو
لكن في غدا على شرفه
متأسف، بالمرا الجايي
ليكون زعل من البنت
يمكن إيه يمكن لأ
يمكن لأ يمكن إيه
مأكد زعل من البنت

هب الهوى


بعدك حبيبي و الهوى بعدو هوى
خليك بلكي منسهر الليلي سوى
و لوين بدنا نروح سبقتنا الدنيي
و ما بقى تحرز يفرقنا الهوى
هب الهوا و ماج الهوا من جنوبي
يغلى على سنين الغلى محبوبي
هب الهوا و إتمايلوا القناطر
لا كان لا عالبال لا عالخاطر
و اللي زارع هم الهوى شو ناطر
طاب الجنا و بنت النا مخطوبي
دارن لهن يا داركي العاليي
عالعز و ليالي السعد مسنيي
يا بنية البكتابها ملهيي
إنتي على إسم الحلى مكتوبي
ينسى الغفا عيوني إذا بنساكن
عمر الصفا عمري أنا وياكن
و إن كان ذنبي يا هلي هواكن
روحي و تعي و عيشي معي يا ذنوبي

يا طير



أوف أوف أوف
يا طير يا طاير على طراف الدني
لو فيك تحكي للحبايب شو بني
روح اسألن علي وليفو مش معو
و مجروح بجروح الهوى شو بينفعو
موجوع ما بيقول علي بيوجعو
و تعن عا بالو ليالي الولدني يا طير
يا طير و اخد معك لون الشجر
ما عاد في الا النطرة و الضجر
بنطر بعين الشمس عبرد الحجر
و ملبكى و إيد الفراق تهدني يا طير
و حياة ريشاتك و إيامي سوا
و حياة زهر الشوك و هبوب الهوا
ان كنك لعندن رايح و جن الهوا
خدني و لنو شي دقيقة و ردني يا طير

طلي يا حلوة طلي



أوف طلي يا حلوة طلي يا غلة بسنة القلة
جاي من الجرد الحسون يقطف و يعبي السلة
كنك طامع بالزيتون غصون و عم تبكي ع غصون
شو رح تقطف يا حسون و الأعدا سرقوا الغلة
أوف لا بدنا كيف و لا عراس ليحكوا ليقولوا الناس
مانش راح بيروق الكاس غير ما يفل العثمانلي
أوف أوف بكره بيطلع عنا الفل و بترجع ليالي تهل
و العثمانلي بدو يفل و تطلع براسو الفلة

يا أهل الدار



يا أهل الدار طعمونا
يا أهل الدار و اسقونا
بيعونا شي بيعونا يا أهل الدار
يا أهل الدار طلوا طلوا الحبايب
شعلانه النار و السكر قلبو دايب
يا أهل الدار دارت فينا العلية
و الورد زرار حنو عالورد خطية
و يا بنت الجار لا تجوري كتير عليي
صار اللي صار و العمر الطيب طايب
حبك غلي يا دار عا قلبي غلي
و عنقودك الغاوي على أمه حلي
أنت ببالي بيوت حلوة مشرعه
بايدين تغزل نار يوم المرجله
باعت مرسال يسأل عن بنت صغيرة
قال يوما قال كان ينطرها بالجيرة
و يا فاضي البال ما تدوقي انشالله الغيرة
ميل خيال و انخطبت إنت و غايب

علموني




علموني هني علموني
على حبك فتحولي عيوني
و التقينا و انحكى علينا
علموني حبك و لاموني
عايام الورد قلبي دايب
كيف كنا و كان العمر طايب
شو جرى غير الحبايب
مرقوا عا بابي و ما حاكوني
يا عصفور الشوك أهلك داروا
بهالسما و ما بعرف وين صاروا
دلوني عا درب الحب و طاروا
و على درب الصبر ما دلوني

دبكة دوارة



أوف يابا أوف
دوارة عالدوارة دار الحكي
هجروا الأحبا الحارة ليش البكي
دوارة دورتيني سهل و جبل
تحت الندي نسيتيني و بالي انشغل
ما سألتي ما ذكرتيني و غيرك سأل
و إنهدت الياسمينة و علقا تكي
دوارة علي داير صبح و مسا
و بفية الضفاير عمره انتسى
و قاسي يا هوى صاير ليش القسى
صبية شعرا طاير و ملبكى
دوارة علي قاصد يقطف حبق
و بأيام الحصايد قلبو أحترق
قالت لي شفتك قاعد تكتب ورق
قلتلها القصايد كلن لكي

نسم علينا الهوا



نسم علينا الهوا من مفرق الوادي
يا هوا دخل الهوا خدني على بلادي
يا هوا يا هوا يللي طاير بالهوا
في منتورة طاقة و صورة خدني لعندن يا هوا
فزعانة يا قلبي أكبر بهالغربة ما تعرفني بلادي
خدني خدني خدني على بلادي
شو بنا شو بنا يا حبيبي شو بنا؟
كنت و كنا تضلو عنا و افترقنا شو بنا
و بعدا الشمس بتبكي عالباب و ما تحكي يحكي هوا بلادي
خدني خدني خدني على بلادي

طيري يا طيارة



طيري يا طيارة طيري يا ورق و خيطان
بدي ارجع بنت صغيرة على سطح الجيران
علي فوق سطوح بعاد عالنسمة الخجولة
أخدوني معهن الأولاد و ردوا لي الطفولة
ضحكات الصبيان و غناني زمان
ردت لي كتبي و مدرستي و العمر اللي كان
و ينساني الزمان على سطح الجيران
لو فينا نهرب و نطير مع هالورق الطاير
تا نكبر بعد بكير شو صاير شو صاير
يا زهر الرمان ميل بهالبستان
تيتسلوا صغار الأرض و يحلو الزمان
و ينساني الزمان على سطح الجيران



تك تك تك يام سليمان



تك تك تك يام سليمان
تك تك تك جوزك وين كان
تك تك تك كان بالحقلة
عم يقطف خوخ و رمان
يا ستي يا ست بدور
شوفي القمر كيف بيدور
و الناطورة بدا شمس
و الشمس بعقد المرجان
عمي يا عم الحطاب
خلينا نلعب عالباب
و الجارة بدا قمحة
و القمحة عند الطحان
يا جدي يا جد التلج
لحيتك غطت عالمرج
و الهوا بدو خيمة
و الخيمة بدا خيطان
وينني الجمال يحني بالقنطرة
شو طعميناهن قمح و درة
شو سقاينهن ميي معطرة
يا عمي الغراب جوزني بنتك

يدور الدوري



يدور الدوري و يحاكي يحاكي المنتور
المنتور العشباكي و شباكي يدور
بعدو الأسمر ناطرنا ناطرنا بعيد
بعيد و تغوأ قناطرنا ناطرنا عيد
تلوعنا و تحسرنا و هالشوق يزيد
و بعتنا و ما قصرنا محبه و زهور
قلي إن كان بعدك فايق عالعين
العين اللي نبعا رايق رايق يا عين
و تحكي و شو حكيك عايق حكيوا القلبين
حكينا بخمس دقايق عن خمس شهور
أهل الحلى عم يسألوا عنا
مرقوا قطفوا ورد من عنا
و كل يوم بيبعتوا مرسال
بلكي منرجع متل ما كنا
ميل عالبيت العالي عالي عدراج
دراج تظنرها دوالي و دوالي سياج
غالي عا قلبي غالي و يا قلبي حاجي
عمرلك عالعلالي علالي و قصور

خذني بعينيك



طالت النوى و بكى من شوقه الوتر خذني بعينيك و أهرب أيها القمر
لم يبق في اللي إلا الصوت مرتعشاً إلا العمائم إلا الضائع الزهر
لي فيك يا بردى عهد أعيش به عمري و يسرقني من حبه العمر
عهداّ كآخر يوم في الخريف بكى و صاحباك عليه الريح و المطر
هنا الترابات من طيب و من طرب و أين في غير شام يطرب الحجر
شآم أهلوك من أهوى و موعدنا أواخر الصيف آن الكرم يعتصر
نعتق النغمات البيض نرشفها يوم الأماسي لا خمر و لا سهر
قد غبت عنهم و مالي بالغياب يد أنا الجناح الذي يلهو به السفر
يا طيب القلب يا قلبي تحملني هم الاحبة إن غابوا و إن حضروا
شآم يا ابنة ماض خاضر أبداً كأنك السيف مجد القول يختصر
حملت دنيا على كفيك فآلتفتت إليك دنيا و أغضى دونك القدر

اسامينا



اسامينا شو تعبو أهالينا تلاقوها و شو افتكرو فينا
الأسامي كلام .. شو خص الكلام .. عينينا هني أسامينا
لا خضر الأسامي و لا لوزيات
لا كحلي بحري و لا شتويات
و لا لونن أزرق قديم ما بيعتق
و لا سود وساع و لا عسليات
و لا فيهن دار دار الخمار
علينا و بلش يسقينا
تلج و ورق طاير و المسا حزين
و ضباب و قناطر نحنا بردانين
لملمنا أسامي اسمي عشاق
من كتب منسيي و قصايد عتاق
و صرنا نجمع اسامي و نولع
تصارو رماد و ما دفينا

بليل وشتي



بليل و شتي صوتو مسموع يا هوي اغمريني يا هوي دموع
تنين عاشقين قاعدين دايبين عميحكو سوا على ضو شموع
عينيهن ببعضن إيديهن بردانين و شفافن عشاق مع بعض سهرانين
و مرقي يا سنين و تلجي يا سنين
خلي بواب الليل علينا مسكرين أه ولا يعطش حدا منا و لا يجوع
بلون الفراق ال بآخر قصتن ع خيوط الشتي مكتوبي سهرتن
و ما بين بوستن ع الشمع و آهتن
كل ما تذكرو هالباب بتنزل دمعتن أه اللي من جمرتا قلبن موجوع

شط اسكندريه


شط إسكندرية يا شط الهوى
رحنا إسكندرية رمانا الهوى
يا دنيا هنية و ليالي رضية
أحملها بعينيه شط إسكندرية
البحر و رياحو و الفلك الغريب
يحملها جراحو و يرحل في المغيب
يتمهل شوية و يتودع شوية
و تعانق المية شط إسكندرية
ليالي مشيتك يا شط الغرام
و إن أنا نسيتك ينساني المنام
و الشاهد عليه غنوة أمارية
و النسمة البحرية و شط إسكندرية

بقولو زغير بلدي



بيقولوا زغير بلدي بالغضب مسور بلدي
الكرامي غضب و المحبي غضب و الغضب الأحلى بلدي
و بيقولوا قلال و نكون قلال بلدنا خير و جمال
و بيقولو يقولوا شم هم يقولوا شوية صخر و تلال
يا صخرة الفجر و قصر الندي يا بلدي
يا طفل متوج عالمعركي غدي يا بلدي
يا زغير و بالحق كبير و ما بيعتدي يا بلدي

زوروني



زوروني كل سنة مرة حرام تنسوني بالمرة
يا خوفي عللي مساكم و نساكم و قساكم
أنا عمري ما بنساكم حرام تنسوني بالمرة

نحنا و القمر جيران


نحنا و القمر جيران بيتو خلف تلانا بيطلع من قبالنا يسمع الألحان
عارف مواعيدنا و تارك بقرميدنا أجمل الألوان
ياما سهرنا معو بليل الهنا مع النهدات
ياما على مطلعو شرحنا الهوى غوى حكايات
نحنا و القمر جيران لما طل و زارنا عقناطر دارنا رشرش المرجان
غناني و ذكر حب و سهر

يارا

يارا الجدايلها شقر
الفيهن بيتمرجح عمر
و كل نجمة تبوح بسرارا
صلي يا ربي صيرو خيي كبير

يا مهيرة العلالي
يا مهيرة العلالي فرسانك ناطرين
و إن يهدر الشمالي قوليلن حاضرين

على مهلك
على مهلك يابا على مهلك قدامك عيد
الليلة السهر بيندهلك و الصبح بعيد
على مهلك ضحك و طل من سياجو الفل
يا قمر على علينا يهل و بتطالو الأيد
على مهلك صوب الدار أسرقلك مشوار
سمعني شو في اخبار و شو في مواعيد

شالك رفرف



شالك رفرف بالحارة عالنسمة شال
هيدا لحلح طيارة لأ هيدا شال
شالك ذكرنا بعمر اللعب اللي كان
ولاد و عاكتافن غمر وراق و خيطان
و يبقو بنيات السمر و حدن الصبيان
تيايرن زرق و حمر و الأشكال اشكال
شالك ذكرنا بقطف الورد من سياج
زهور اتوا راحوا انخطفوا انزرعو بدراج
بحياتك نتفة عطف من الشال و حاج
قراب من كروم اللطف و ما فينا نطال
عم بيشوح و يلم و يزرع أسرار شالك

شتي يا دنيي



شتي يا دنيي تيزيد موسمنا و يحلى
و تدفق مي و زرع جديد بحقلتنا يعلى
خليلي عينك عالدار عسياج اللي كلو زرار
بكره الشتويي بتروح و منتلاقى بنوار
يحلى عيد يضوي عيد نزرع و نلم عناقيد
و انطرني لا تبقى تفل و تتركني وحدي عم طل
جمعتلك حرج زهور ياسمين و منتور و فل
زهرة بأيد قلب بأيد يا خوفي لاقيك بعيد
و انطرني بحقول الريح الدنيي عناقيدا تلاويح
و خبيني بفية عينيك جرحني حبك تجريج
قول و زيد غني و عيد نزرع هالأرض مواعيد

هيلا يا واسع



هيلا يا واسع هيلا هيلا هيلا
مركبك راجع هيلا هيلا هيلا
بسمتك ليلة عبستك ليلة هيلا هيلا
سافر بليلة ريح ودار الدفة جنوبية
حنت عليه الريح وصل على المينا الغجرية
و انقضت ليلة و أشرقت ليلة
شد الشراع و سير بلد الحبايب ما هي بعيدة
بحر و قول يا كبير و تبقى سفريتنا سعيدة
و السعد ليلة و الهوى ليلة

فايق علي



فايق علي فايق علي
نحنا اللي كنا بهيك العلية
نبقى نقعد بالقناطر وقت الشتوية
من زمان و زمان نحنا كنا جيران
تبقو تيجو لعنا نقعد سوا و نتمنى
و نصور عالحيطان و نقولك يا شيطان وقعت المزهرية
بعدتنا الطريق عن الطريق العتيق
مدري كيف ألتقينا صدفة و ضحكو عينينا
ضحكت عالحيطان صورنا من زمان صبي ناطر صبية

حبيتك و الشوق إنقال



حبيتك و الشوق إنقال و ليلات الحلوة عالبال
خلي الليل يعاتب ليل و موال يجرح موال
خلي القلب يقول القلب رفقة نحنا و وحدة حال
حبيتك وسع الغابات الحدودا حدود اللفتات
وسع الغيم بصبحيات يرحل خلف تلال تلال
تاري الحلو ناسي مواعيدو لا مر لا لوح لنا بإيدو
و بعدك يا هالطير بتجي و بتروح توعيه بقلبي الشوق و تزيدو
حبيتك ما بعرف وين يأي نبع بأي عين
بعتلك نوم العينين و تنهيدة قلبي مرسال

يا طير الوروار



دخلك يا طير الوروار رحلك من صوبن مشوار
و سلملي عالحبايب و خبرني بحالن شو صار
عاتلال الشمس المنسيي على ورق الدلب الأصفر
إنطرونا هنا شويي شويي و تصير الدنيي تزغر
و بكروم التين ينده تشرين يا حبيبي
ياما بسكوت الأمريي بسمع صوتك يندهلي
ليليي و خوفي ليليي يعوا شي مرا أهلي
و تتعب أسرار تحزن أسرار يا حبيبي

سكرو الشوارع



سكروا الشوارع عتموا الشارات
زرعوا المدافع هجروا الساحات
وينك يا حبيبي بعدك يا حبيبي
صرنا الحب الصارخ صرنا المسافات
إشتقنا للإيام السعيدي
إيام السهر عالطريق
عجقة سير و مشاوير بعيدي
و نتلاقا بالمطعم العتيق
يا هوا بيروت يا هوا الإيام
إرجعي يا بيروت ترجع الإيام
إجا الصيف التاني و القمر مكسور
قولك رح تنساني يا حبي المقهور
رجعت على بيتي ما لقيتو لبيتي
دخان و زوايا لا وردي و لا سور
عم بيروحوا متل رفوف سنونو
تحت نجوم الليل مشردين
قولك الأصحاب وين بيكونوا
وين بيكون الدمع و الحنين

شهرزاد




يا شهرزاد غني الهوى غني الليالي فالشوق عاد
يا شهرزاد و للنوى قصر ببالي رغم البعاد
و أعيدي و أعيدي وأعيدي يا شهرزاد
ما للأغاني عادت بنا صوب المغاني التي لنا
يوم الصبايا زهر العشايا و للحكايا عطر يعاد
و أعيدي و أعيدي وأعيدي يا شهرزاد
أنا شهرزاد القصيدة و صوتي غناء الجراح
أنا كل يوم جديدة أهاجر عند صباح
و كان شهريار يبدد النساء
يبدد الأشعار و الناس و الأسماء
رأيت دموع العذارى سمعت بكاء السنين
و كيف تضيع العذارى بقصر الضنى و الآنين
و كان شهريار يسهر كل ليلة
مستوحشا فصار سجين ألف ليلة
و صار سجين الحكاية
و قلت للحكاية ألا حرري السجينات
إنهضن يا سجينات أنا شهرزاد
يا حلوة الغزل ميلي على مهل
طيري كأغنية في الليل و إرتحلي
يا لائمي في الهوى إن الهوى عتب
أجرى دموعي النوى و شفاني التعب
مذ قلت حبك لي أغضيت من خجلي
خلي الكلام على ليلاتنا الأول
يا أخت زينب لو تدرين ما فعلت عيناك بي لتولى قلبك التعب
غيرتني فأنا كالريح تحملني ان اتجهت إلى أحيائك السبل
يا جليس الورد من ليل الصفى رصع الورد ضفاف الأنهر
كلما هبت نسيمات هفى زمن الشوق ببال السمر
طارت الدنيا بمن أهوى و بي و أفترقنا كيف يا ليل البعاد
ساكن ما بين قلبي المتعب و جفوني وجهها رغم البعاد
ما إكتفينا بعد و الدهر إكتفي فأقطف الأحزان مثلي و إسهري
أه يا عينيا لو يشرى الغفى من عيونٍ ما لكنت المشتري

خدني




خدني على تلات هالحلوين
خدني على الأرض اللي ربتنا
إنساني على حفاف العنب و التين
إشلحني على ترابات ضيعتنا
بواب العتيقا عم تلوحلي
و صوت النهورا ينده الغياب
و عيون عاشبابيك تشرحلي
صحاب عم بتقول نحنا صحاب
و إمشي على طرقات منسيي
دنية غياب و رح يبيت الطير
أنطر شي إيد تسلم عليي
شي صوت عم بيقول مسا الخير
خدني إزرعني بأرض لبنان
بالبيت يللي ناطر التلي
إفتح الباب و بوس الحيطان
و إركع تحت أحلى سما و صلي

لينا و يا لينا



لينا و يا لينا و إبرة و خيط عيرينا
تانقضي بهالفستان ما في عنا خيطان
لينا و يا لينا و يا نجمي طارت فينا
بتضلك رايحي جايي تغفي و دوختينا
و مرايي خلف مرايي تغفي دوختينا
لينا و يا لينا ما في حدا يحمينا
ليليي عنا قواص عنا حواجز و رصاص
لينا و يا لينا و ما في حدا يحمينا
عم نغفى من عشيي شمتوا كلن فينا
كنا بسط و غنيي شمتوا كلن فينا
و حياة عشرتنا و تراب جيرتنا
حبيتك حبيتك حبيبي على طول
عاطول سهرني بالليل و إنطرني
خلينا حبيبي مجهولي و مجهول
على طول على طول على طول

لبنان يا أخضر حلو



لبنان يا أخضر حلو عتلال
يا حكاية القلب و حنين البال
يا نجوم سهراني و كروم حلياني
يا حقول ملياني و دنية جنا و غلال
و الضيعة مزروعة بحنوة رماديي
فيها الفجر بيوعى كل يوم بغنيي
حكايات بهالفيات حكايات
للحب حكايي و للعز حكايي
و للزراعيين البيعطوا أحلى حكاية
يا دنيتنا يا غنيي بتشرح قصتنا
يا دنيتنا يا عليي الفيها سهرتنا
دنيتنا الوعر الصخر الزهر الوردات
حكايتنا القلب الحب الدرب الحنوات
شو حلوي يا ضيعتنا يا دنيتنا
فيك زرعنا محبتنا و حلوي الكرمات
و الليل العاطي سرارو و مضوي دارو
نزلوا بضيعتنا قمارو يحكوا حكايات

عادروب الهوى



عادروب الهوى مشاني حبيبي عادروب الهوى مشاني
و عاكرم الهوى وصلني حبيبي و عنقودو استوى و نادني
سوى سوى رحنا نمشي إيد بإيد
و الهوا يلوحنا متل العناقيد
و غمرني بالهنا و سحرني بالهنا حتى أسمي أنا نساني
عاسنيني أخدني سنيني صاروا عيد
أخدني و وعدني بحلي و عمر جديد
بهالعمر الهني سني ورا سني عمر إلي دنيي حلياني
عمر لي عماير عاحفاف العمر
علالي و قناطر عا مد النظر
و لما طل القمر سألني شو الخبر قلتلو عشقانة


سيف فليشهر



سيف فليشهر في الدنيا و لتصدع أبواق تصدع
الآن الآن و ليس غداً أجراس العودة فلتقرع
أنا لا أنساك فلسطين و يشد يشد بي البعد
أنا في أفيائك نسرين أنا زهر الشوك أنا الورد
سندك ندك الأسوار نستلهم ذات الغار
و نعيد الى الدار الدار نمحو بالنار النار
فلتصدع فلتصدع أبواق أجراس تقرع قد جن دم الأحرار

يافا



أذكر يوماُ كنت بيافا
خبرنا خبر عن يافا
و شراعي في ميناء يافا
يا أيام الصيد بيافا
نادانا البحر و يوماُ صحو فهيأنه المجدافا
نلمح في الخاطر أطياف عدنا بالشوق إلى يافا
فجراُ أقلعنا زبداُ و شراع
في المقلة ضعنا و الشاطئ ضاع
هل كان الصيد وفيرا
و غنمنا منه كثيرا
قل من صبحٍ لمساء
نلهو بغيوب الماء
لكن في الليل في الليل
جائتنا الريح في الليل
يا عاصفةُ هوجاء وصلت ماءُ بسماء
عاصفة البحر الليلية قطعان ذئاب بحرية
أنزلنا الصاري أمسكنا المجداف
نقسو و نداري و الموت بنا طاف
قاومنا الموج الغاضب غوطنا البحر الصاخب
و تشد و تعنف أيدينا و يشد يشد القارب
و يومها قالوا إننا ضائعون إننا هالكون في الأبد البارد
لكننا عدنا عدنا مع الصباح جئنا من الرياح كما يجئ المارد
و دخلناها ميناء يافا
يا طيب العود إلى يافا
و ملئنا الضفة أصدافا
يا أحلى الأيام بيافا
كنا و الريح تهب تصيح نقول سنرجع يا يافا
و اليوم الريح تهب تصيح و نحن سنرجع يا يافا
و سنرجع نرجع يا يافا سنرجع نرجع يا يافا

كيفك أنت



بتذكر أخر مرة شفتك سنتا
بتذكر وقتا أخر كلمة قلتا
و ما عدت شفتك و هلق شفتك
كيفك أنت ملا أنت
بتذكر أخر سهره سهرتا عنا
بتذكر كان في واحدة مضايق منا
هيدي أمي بتعتل همي
منك إنتا ملا إنتا
كيفك قال و عم بيقولو صار عندك ولاد
أنا و الله كنت مفكرتك براة البلاد
شو بدي بالبلاد الله يخلي الولاد
بيطلع عبالي ارجع أنا و اياك
انت حلالي ارجع أنا وياك
أنا و انت ملا انت
بتذكر اخر مرة شو قلتلي
بدك ضلي بدك فيكي تفلي
زعلت بوقتا و ما حللتا
أنو انت هيدا انت
بترجع عراسي رغم العيال و الناس
إنتا الاساسي و بحبك بالأساس
بحبك أنت ملا أنت

أحب دمشق


أحب دمشق هوايا الأرقا أحب
جوار بلادي ثرى من صبا
و وداد رعته العيون جميلة
و قامة كحيلة أحب أحب دمشق
دمشق بغوطتك الوادعة حنين إلى الحب
لا ينتهي كأنك حلمي الذي أشتهي هوى ملء
قصتك الدامعة تمايل سكرى به
دمشق كشمس الضحي الطالعة
هنا و البطولات لا تنضب تطلع
حبيب العلي إلى المجد بالمشتهى
كلل دمشق و أنت الثرى الطيب غضبت
و ما أجمل فكنت السلام إذا يغضب


أردن



أردن أرض العزم أغنية الذبى نبت السيوف وحد سيفك ما نبا
في حجم بعض الورد إلا إنه لك شوكة ردت إلى الشرق الصبا
فرضت على الدنيا البطولة مشتهى و عليك دينا لا يخان و مذهبا
وفدت تطالبني بشعر لدنة سمراء لوحها الملام و ذوبا
من أي أهل أنت قالت من الأولى رفضوا و لم تغمد بكفهم الشبا
فعرفتها و عرفت نشأة أمة ضربت على شرف فطابت مضربا
غنيتها كل الطيور لها ضحى و يكون ليل فالطيور إلى الخبا
إلاك أنت فلا صباح و لا مسا إلا في يدك السلاح له نبا
شيم أقول نسيم أرز هزني و أشد كالدنيا إلى تلك الربى

بكتب أسمك يا حبيبي

بكتب اسمك يا حبيبي عالحور العتيق
تكتب اسمي يا حبيبي عرمل الطريق
بكرا بتشتي الدنيي عالقصص المجرحه
بيبقى اسمك يا حبيبي و اسمي بينمحى
بحكي عنك يا حبيبي لأهالي الحي
بتحكي عني يا حبيبي لنبعة المي
و لما بيدور السهر تحت قناديل المسا
بيحكوا عنا يا حبيبي و أنا بانتسى
و هديتني وردة فرجيتا لصحابي
خبيتا بكتابي زرعتا عالمخده
هديتك مزهرية لا كنت تداريها
و لا تعتني فيها تاضاعت الهدية
و بتقلي بتحبني ما بتعرف قديش
ما زالك بتحبني ليش دخلك ليش



مصر عادت



مصر عادت شمسك الذهب تحمل الأرض و تغترب
كتب النيل على شطه قصصاً بالحب تلتهب
لك ماض مصر إن تذكري يحمل الحق و ينتسب
و لك الحاضر في عزه قبب تغوى بها قبب
جئت يا مصر و جاء معي تعب إن الهوى تعب
و سهاد موجع قلته هارباً مني و لا هرب
صرت نجم الحب أحصى إذا أحصيت في الظلمة الشهب
فسماً بالمبدع سبباً يا حبيبي إنك السبب
الحضارات هنا مهدها بعطاء المجد تصطخب
نقشت في الصخر أسفارها فإذا من صخرك الكتب
مصر يا شعباً جديدا غدٍ صوب وجه الشمس يغترب

حملت بيروت



حملت بيروت في صوتي و في نغمي و حملتني دمشق السيف في القلم
فنحن لبنان وكر النسر دارتنا و الشام جارتنا يا جيرة الهمم
منها هنا نسمات المجد لافحة و من هناك رايات على القمم
أنا على الدرب يا وادي الحرير هوا بين الحبيبين ما قلبي بمنقسم
أفدي العيون الشآميات ناعسة بالنوم همت على حلم و لم تنم
هن اللواتي جرحن العمر من شغف و طرن بي نغماً يبكي بكل فم
قلبي من الحب كرم لا سياج له نهب الأحبة من ساه و من نهم
و يا هوا من دمشق لا يفارقني سكناك في البال سكنى اللون في العلم

ليلة عيد



ليلة عيد ليلة عيد الليلة ليلة عيد
زينة و ناس صوت جراس عم بترن بعيد
ليلة عيد ليلة عيد الليلة ليلة عيد
صوت ولاد تياب جداد و بكرا الحب جديد
عم يتلاقوا الأصحاب
بهديي خلف الباب
في سجرة بالدار
و يدوروا ولاد صغار
و السجرة صارت عيد
و العيد اسوارة بأيد
و الأيد تعلق عالسجرة
غنيي و عناقيد
يا مغارة كلا بيوت
تلمع متل الياقوت
كيف جبتي عالدار
تلج شرايط و قمار
مين اللي جاي بعيد
عم بيرش مواعيد
يدق بواب الناس و يمشي
و الخير علينا يزيد

عيد الدني



عيد الدني راس السني بيتي هدايا و زيني
في شموع و جراس تدق بعيد و زهور لونا أحمر و نبيد
عيد الدني راس السني سهرا أنا و حبيبي
راس السني أنتا و أنا و سجرة زغيري مضوايي
قنديل أصفر على بابي و تلج و نجوم عم تلمع متل التلج
و تحت الشتي جايي سني ما منعرف شو مخبايي
راحت سني طلت سني لونا أبيض و جديدي
الولاد ترسم عوجوهن عيد و الناس تعطيهن عمر جديد
و تغفى سني و توعى سني و أنتا تبقى حبيبي

تذكر يا حبيبي



تذكر يا حبيبي ليل و سهر البيوت بيروت بيروت ببيروت
ليليي نجوم كتير تنزل تزهر و تطير عشبابيك البيوت قناطر البيوت
تذكر يا حبيبي بيروت بيروت
بيروت زعلاني كتير بيروت سهراني كتير بيروت يا بيروت

أغنية إلى باريس



باريس يا زهرة الحريي يا دهب التاريخ يا باريز
لبنان باعتلك بقلبي سلام و محبي بيقلك لبنان
رح نرجع و نتلاقى عالشعر و عالصداقة
عالحق و كرامة الإنسان
يا فرنسا شو بقلن أهلي عن وطني الجريح
عن وطني اللي متوج بالخطر و بالريح
قصتنا من أول الزمان
بيتجرح لبنان بيتهدم لبنان
بيقولوا مات و ما بيموت
و بيرجع من حجارو يعلي بيوت
و تتزين صور و صيدا و بيروت

الليل أناشيد و العمر مواعيد



الليل أناشيد و العمر مواعيد
يا قلب تعالى نغني فالفجر غدا عيد
اللحن بنا طار في عالم أنوار
و الحلوة رغم شرود تحملها الأوتار
عن حمانا نحن الطيور
عن ربانا حب و نور
يا ليل إذا قيل الحب أظاليل
فأجب الحب دروب و العمر مواويل

يا جارة الوادي هل ينسى الذي كان يوم العشية نهواها و تهوانا
اللوز يزهي و الدنيا على مرح دفء يهل أناشيد و ألوان
و من بعيد يد بيضاء تسألني أخلفت وعدك لي هل تقبل الآن
تلك اليد اليوم رغم البعد ألمحها تومي و تسأل هل ينسى الذي كان

ما للهوى المنسي عاد يزور قتموج ساحات و تضحك دور
أهلا بصاحبنا القديم و عهده فرشت له مد الطريق زهور
الله يا وجه البراءة و الرضا تدنو فكل الحي منك عذير
يا عمرنا المنسي كم كانت هنا قصص الهوى عنا و عنك تدور
ها أنت لك الأمس جئت معاتبا اليوم أنت بشاشة و حبور
هذي مقاصير العبير كعهدها و الورد في الشباك بعده نضير
فأجلس كأنك لم تبارح ساعة هذا المكان و لا أتيت تزور
الدوالي دوالينا و الليالي ليالينا
و مكان لنا عند كرم الهنا كل ليل يناجينا
الأغاني زرعناها و الأماني حصدناها
و حكايا الأمل و الهوى و الغزل في الليالي حكيناها
يا حبيبي مشيت حنين إليك و خفت عليك
يا حبيبي و هذي الروابي لنا و هذا الجنا
و أنا أنشد لحني عن ولوعي
طائفا في الناس أسقيهم دموعي
ليس لي في هذة الأرض ربوع
حيثما كان الهوى تلك ربوعي
أيها السائر في الدرب البعيد
تتبع الشمس إلى كل جديد
عندنا الأيام حب و نشيد
فهلم الآن نفنى في النشيد
و ماذا نغني؟
نغني الجمال نغني الليالي الطوال
عن الهوى و التمني عن كل ليل أغني نغني


ارضنا ... أنشودة الزمان



أرضنا أنشوة الأزمان سخية الغلال عميقة الإيمان
أرضنا أنشودة الأزمان للخير و الجمال تموج الألحان
مواكب مواكب تنادي على طريق الحق و الجهاد
مواكب تقول يا بلادي أمضى إلى فجر لنا نديان
حقلنا يا رحب يغمرك الخصب
مواسم مواسم يشدو لها القلب
هذة أيدينا تزرع وادينا
جنائن جنائن ملئ مغانينا
حقول بكم تزهر لكم تثمر و تعطي الغلال
و حيث يد تتعب مدا يخصب يفيد الجمال
للزارعين أرضنا نشيدي السعيد
للهاتفين بالجنى في الموسم الجديد
و أرضنا هنا عطائها لنا
مواسم الجنى يا أنت أي عيد
نغرانا يا مختار تنعش وادينا
أنت على الأجيار حلم شواطينا
أشرعة بيضاء تسبح فوق الماء
تحمل في الأمساء حلم أراضينا
و ضفاف النيل جنة العذارى المرحات
منشدات للأماني البيض أحلى النغمات
للهوى يزهر في أفياء تلك الشجرات
لشراع الأسمر الصياد بالأحلام أتي
عن الجمال في الحمى يشوفني الغناء
ألقى أناشيد و ما أحمل من دعاء
السحر للسماء في هذه السماء
و الحب خيم فأنهل يا رجاء
تلك مدينتا ملئ العين تلوح
تلك مدينتنا أبنية و صروح
صوت مصانعنا يا نغم العمر
نسجك يسمعنا أغنية البنيان
هيئتي يا سواعد الشباب بعزمها تطوع الحديد
هيئتي يا رافعة القباب مدلة على الفضا البعيد
لضجة المصانع لحني و للقباب
فيض دخان طالع يعانق السحاب
بلادي أسمعي و بالمنى أرتعي
لكل ممتع يقودك الشباب
يا جباها تعلو كبار الأماني لوحتها الشموس بالعنفوان
أزرعي فالسهول جني غلال و أعملي فالحقول زهو أغاني
أرضنا ملكنا و كل جناها حقنا رزقنا على الأزمان
يا صباح الخير المطل علينا بنعيم الجمال و العمران
هيا نسر فالصبح في الطريق و الشمس بالضياء و البريق
أسائر أنت إذا رفيقي للغد المزهو بالألوان

عين الرمان



عالتلة الخضرا و أنت و طالع صوب المزارع العاليي في ضيعة حلوي بيوتها
جداد و شوارعها واسعة طرقاتها مسيجي بالزهور هالضيعة أسما عين الرمان
يا عين الرمان يا ضيعة مسحورة بالمنتور الغويان مغمورة
يا عين الرمان يا خضرا يا حلوي يللي الزنبق نيسان عم تضوي
حن القلب و مال و النرجس قاملك فييو بعين الرمان
ناجي الحب و طار و الملقى كان بضيعة عين الرمان
وين بيتلاقوا الأخوان عمفارق عين الرمان
وين بتتغنى الألحان بجناين عين الرمان

حوار


هاي هاي
مين
أنت
أنا؟
أيه أنت بعرف وين رايح
وين؟
أنتا عم تفتش على بيتن
أيه أيه بتعرفيلي وين بيتن
بيتن بالحي العالي هونيك شارع كلو دراج
بعد ما عرفت دليني أكتر
شوف بتروح عابيت الشب البيحب جارتهن و هو بيدلك
أيه أيه كفي
بتريد شي بعد؟
لأ لأ متشكر مع السلامة. و الله أهل عين الرمان لبقاء بس يه يه يه يا حلوي بيت البيحب جارتهن وين؟

قوليلا يا جارتها قلبي حن لدارتها
بحكيلا بغنيلا يا جارتها قوليلا
قوليلا ما فيه ينام سهران يألف أنغام
ما لو بالدنيي أحلام إلا يطل مقابيلا
قوليلا بعملا شال من زهر بيحلم بتلال
قوليلا بشكيلا قوليلا بوميلا قوليلا نجمات الليل بضويلا

حوار -

عرفتيا؟
عرفتا
لها غرة و عيونها حيون خيلات الورد و الزنبق و فستانا مصور عليه جوانح عصافير و زرازير عرفتيا؟
عرفتا بيتن إلو قناطر بيض و في عليي لها درابزين أخضر
شي حلو
و في بالعليي مقعد إلو مساند ملوني بورق دوالي
دخلك شو اسم هالحي هونيك؟
حي الحلوين
و هي هي شو أسما؟
حلوة الحلوين
متشكر لطفك الله يكون معك. حلوة الحلوين يه كل وحدي هون اسما حلوة الحلوين

تك تك تك تك فتحوا شبابيك الحلوين
طل طل طل طل طلوا عالباب الحلوين
مين مين؟ عاشقين
مين مين؟ مارقين
شوفنا الهوا يومي إلنا على درج الحلوين
و الغزل ينادي إلنا بقناطر الحلوين
شرفات الحلوين دراجا قناطرها صاعبين
و غمزات الحلوين سياجا حكايات الياسمين
و الهوى لو مر يمكن ينغر بس ما بيعرف و لا سر
و لا نظرة؟ لأ و لا زهرة؟ لأ و لا شي وعد بشي سهرة؟ لأ
يه يه يه يه غلقوا شبابيك الحلوين
لا لا لا لا راحوا عن الباب الحلوين

حوار -

و تروح عن الرصيف الليلكي. شفت الشارع يللي ضويتو زرق؟ مش هو تطلع بشارع تاني
أيه ما عرفت
مش رح تعرف تروح وحدك أنا بروح معك بدلك
متشكر هيئتك لطيفة كتير
انا سابقتك عبيتنا مشط شعري و ألبس كنزتي الخضرا لأنو بالحي العالي في برد شوي
الله معك
و هلق بعد شوي بتلحقني و بتندهلي بنزل و برافقك
بصفرلك
أيه أنا رايحة
الله معك يا حلوي الله معك بس يه يه يه ما دليتيني عابيتك

لما بيهدى الليل و النجمات بتطل عالتلات
بتموج طرقات الضو مروج حد الورد المنسوج بالحب غنيات
لما بيهدى الليل و الأشعار بتدور عالأوكار
بتقول ليل النجوى بيطول و السهريي بتجول ببال الأزهار
في غنيي بعيد منسيي
بغنيها بوعيها عا دروب ورديي
و منسهر سهرات
حوار -

و الطريق عا بيتن مزروع بالحكايات
يا عيني
و بليالي القمريات بيضيعو الغناني عالطريق
يا عيني
و بتطل عن شباكا و بيرتاح الضو بعينيها الخضر
يا عيني
و كل القلوب بتسأل عن عينيها الخضر و بتسأل عن شباكو حلوي. لا تقول بيتا وين. بيتا عا كل مفرق و بكل شارع بيطل عليه قمر هونيك الدرابزين كلو زهور و العشاق بيغنوا
يا عيني

طلي
هيدا أنا طليت قلي
روحي
عا مفرقك غنيت روحي
حلمي إلك يا حلوة العينين يللي الهوى بيوتن
مشلوح بدو تدللو إيدين و تبرد جروحو
صاحبت عاسياج لكن زهرة كل يوم بسقيها
و ضيعت عا دراج لكن نظرة قولك لقيتها
بس دخلك بس داريني
أكتر أنا بحبك خدني بعينيك و طير
خبيني بشي صوب من عطفك
ناطر أنا ناطر يمرق على بالك
شي حلم شي خاطر و أسرح بموالك
بجنينة الرمان منموج الألحان
و عامفرق الألوان منترك هوا سكران

الملهى الأخضر




يا ملهى السمار الهادجينا
ألحان العمر الماضي تشجينا
تحيي ليالينا مجد أغانينا
يا ملهى السمار الهادجينا
الطيب و الليل و الكوخ المسحور بالنجمات
الشوق و الميل و الحب المنثور في الواحات
يا ملهى السمار الهادجينا
أحكي في لقيانا عن ماضينا
مرحا يا ودينا يا دنيا تغوينا
يا ملهى السمار الهادجينا
نهوى سمارك أزهارك أطيارك و الدار
يا ملهى السمار
هذا طريق حمانا
يلوح بين ربانا
أيا طريق الربى و الصبا
ذكرنا ليالي هوانا
أطلت الليالي ليالي هوانا
و طفنا الدروب دروب ربانا
فيا طريق الربى و الصبا
طريق الحبيب حمانا
حبيبي هنا صغيرين كنا معا
و عهد لنا على الورد أن يطلع
حبيبي هنا عبرنا تلال الندى
و طافت بنا حمائم هذا المدى
أتسأل عنا الورود و طير يعود إلى غابنا
أيسأل عنا العبير و عطر وثير على بابنا
حبيبي هنا سنرجع ملء الطيوب
نرش الهنا و نعطي الهوى للقلوب
يا أفياء الوادي موجي بالعشاق
يا أطيار الوادي غني للمشتاق
يا أشجار الوادي طفنا بالألحان
تحت الظل الهادي و العمر
ساعات نلهو و الميل يغوينا
ساعات نزهو و الليل يظمينا
نحكي نسمر نشدو نسهر
في الملهى الأخضر في الليل الأشطر
أه يا وادينا فيك ليالينا تنادينا أه

خذني بعينيك



طالت النوى و بكى من شوقه الوتر خذني بعينيك و أهرب أيها القمر
لم يبق في اللي إلا الصوت مرتعشاً إلا العمائم إلا الضائع الزهر
لي فيك يا بردى عهد أعيش به عمري و يسرقني من حبه العمر
عهداّ كآخر يوم في الخريف بكى و صاحباك عليه الريح و المطر
هنا الترابات من طيب و من طرب و أين في غير شام يطرب الحجر
شآم أهلوك من أهوى و موعدنا أواخر الصيف آن الكرم يعتصر
نعتق النغمات البيض نرشفها يوم الأماسي لا خمر و لا سهر
قد غبت عنهم و مالي بالغياب يد أنا الجناح الذي يلهو به السفر
يا طيب القلب يا قلبي تحملني هم الاحبة إن غابوا و إن حضروا
شآم يا ابنة ماض خاضر أبداً كأنك السيف مجد القول يختصر
حملت دنيا على كفيك فآلتفتت إليك دنيا و أغضى دونك القدر

شام يا ذا السيف



شام يا ذا السيف لم يغب يا كلام المجد في الكتب
قبلك التاريخ في ظلمة بعدك أستولى على الشهب
لي ربيع فيك خبأته ملئ دنيا قلبي التعب
يوم عيناها بساط السما و الرماح السود في الهدب
تلتوي خصراً فأومى إلى نغمة الناي ألا إتنحبي
أنا في ظلك يا هدبها أحسب الأنجم في لعبي
طابت الذكرى فمن راجع بي كما العود إلى الطرب
شام أهلوك إذا هم على نوب قلبي على نوب
أنا أحبابي شعري لهم مثلما سيفي و سيف أبي
أنا صوتي منك يا بردى مثلما نبعك من سحبي
ثلج حرمون غذانا معاً شمخاً كالعز في القبب
و حد الدنيا غداّ جبل لاعب بالريح و الحقب

لا تنسني ... أنا هنا



لا تنسني عاد الربيع
تلالنا الزواهي لحن هني
و في الربى طير وجيع
يحكي عن الملاهي في موطني
لا تنسني زهر الدروب
يعانق الحنايا و ينثني
و للهوا لحن طروب
تنشده الصبايا ... لا تنسني
تعود الفراشات جدلا
تسأل بنا الورود
و ينشر الغيم ظلا
و كل هناء يعود
لا تنسني أنا هناك
و الزهرة البعيدة تسألني
إذا حكيت عن هواك
حكاية سعيدة لا تنسني

مرحبا ... مرحبا



مرحبا مرحبا يا حبيب الربى
يا صباح الحياة يا جناح الصبا
من يديك أرتوى كل شئ بضياء الحياة
و صحى هاتفا كل حي داعيا للأله
و سرت فرحة في الورود كل يوم تعود
و هفا للصباح الجديد كل من في الوجود
و تنشم سلاح مؤذنا بالكفاح
فلنقم للصباح مثل طير الربى
لم يعد في الوكور نائم عن لقاك
فجميع الطيور سبحت في خطاك
و صبايا الزهور فتحت كي تراك
و ضفاف الغدير أيقظتها يداك
و ورود البطاح رف منها جناح
فاسقها يا صباح و اسق طير الربى
ربنا يا سميع الدعاء يا مضئ السبل
هب لنا من يديك الضياء في طريق الأمل
رن هذا النداء خافقا حولنا
و طيور السماء أسرعت قبلنا
فلنكن في الصباح مثل طير الربى


قصة الورد



ذاكر يا ترى طورنا الأخضر حيث كانت تفئ الطيور
يومها حبنا كان في حينا قصة الورد لحن الزهور
ذاكر يا ترى شعري الأشقر و الشريطة و الشال الحرير
حين خبئت في سمعي المرهف همة الريح كفيض العبير
و بعد تراه من حكايا و أثقل روض السمر
تحدث عنه الصبايا يجئ إليه القمر
ذاكر يا ترى وعدك المقمر بالرجوع و قطف الورود
أم تراه مضى حبنا و أنقضى موسما مبردا لا يعود

أرسل الله



أرسل الله إبنه يسوع نوراً للأنام
حين ولدته مريم البتول حلم الأيام
أشرق نجمه بحدود فارس فأطل السلام
و أنار المجوس فحملوا إليه هدايا الإكرام
هالل هالل هللولو
تسعة أشهر حملت مريم حمل الأكوان
و لم تحس إلا وداعة طفل إله و إنسان
زادها طهراً و مكثت بتولا تدهش الأذهان
قبل الميلاد و فيه و بعده و مادام الزمان
هالل هالل هللولو
لك للأب و للروح القدس شكر محتوم
ثلاثة أقاني إله واحد ليس بمقسوم

نجمة العيد



ضوي بليالي سعيدي يا نجمي بيتا قريب
جايي من دنيي بعيدي تتلج عهالكون طيب
يا سما و تتلج أشعار و سلام
يا سما و تتلج أشعار و سلام
حكيولي حكايي غريبي و الأرض عيونا دموع
قولي قولي يا حبيبي جايي لعنا يسوع

قتلوني عيونا السود




قتلوني عيونا السود يا ليل و ما لو حدود
قتلوني قتلوني قتلوني عيونا السود
و بنية عم تكبر من يوم ليوم
زهرة محروسي بسيوف النوم
خوفي يا سنين لتمر سنين
تنساني عيونا السود
أنا لاسأل عليهن من حي لحي
دور عن صورهن ببرك المي
و السهل يغيب و الليل يغيب
و يطلوا عيونا السود

عوافي يا زهيي



هيهات يا بو الزلف عيني يا موليا
قدام بيت لكن شو كنا نتفيا
عوافي يا زهيي يالضحكتها صيفيي
رزق الله شو نبقى هون نتلاقى من عشيي
هالله الله عالإيام تمرق كإنا أحلام
و كل السهرات الحلوين نتذكرها بغنيي
بتذكر مرة بالدار زقف قلبي فل و طار
لما طلبتي مني غنيلك بالسهريي
و مرة بصبحية عيد تركنا الناس و فرح العيد
و قعدنا تحت الصفصاف حد نهورة الميي
شفتي لولا تجوزنا شو كنا سوى سعدنا
كان الصبي صار شب و اختو صارت صبيي
و بتذكر مرة بتشرين لما زعلنا و يا مسكين
كيف ضربتك هاك الكف و تزاعلنا لعشيي
إنتي ضربتيني كف؟
شو الهيأة خربت بكير
ماحدا بيضرني كف
وعلم برقبتك شهر
بعدك عنيدة و جفصة
و بعدك بفرد شقفي
لو أنك أحسن من هيك ما كنتي بقيتي بالبيت
كل عمري أحسن منك
إسكتي بدل ما إحكي
و شو بدك تقدر تحكي
دخلك خاتم الأزرق رديتيلو لفضلو
حاجي بقى تكتر حكي
و فستان الجابو الظابط دخلك رديتيلوياه
و منك ما قبلت هديي بدي قبل من غيرك؟
نسيتي سحاحير الليمون نسيتي كياس البطاطا
إنخجل إسكت
إنتي إسكتي
بيك زعبر
بييك زور
منشكر الله الما تزوجتك
منشكر الله ألف مرة
منشكر الله
ألف مرة

شرطي السير



ها
ما بعرقلش السير بمرسيدس .. ممنوع عيب
و الله بفقعك ظبط
إحترامات سيدنا إتفضل
وقف و لك وقف؛ ليك ما وقف
و لوين بدو يروح وين بدو يطير
أنا بعرف كيف اخدلو نمرتو
ياه يا بيي يا بيي مليح اللي ما وقف نمرتو زرقا
يا دلي كان المحضر إنعمل فيي أنا
يا مادموزيل عايدة
نعم
ما سمعتي الصفيرة؟ ليش وقفتي سيارتك محل الممنوع؟
هاي مش سيارتي
طيب إنتي وين وقفتي؟
أبعد شوي
و الأبعد شوي كمان ممنوع
أيه بس أنا وقفتا محل في قارمة مكتوب عليه موقف سيارات
هيهيهي و حد القارمة كمان ممنوع. يا بنتي هيدا كمين عملناه للمواطنين لحتى نصفقهن ظبوطا
بس القارمة الدولة كاتبتها
ياي يخرب بيتك ليش الدولة بيتأمنلا؟
يا سبع آفندي أنا بعرفك شرطي بلدي. كيف صرت شرطي سير؟
أنا بالأساس شرطي بلدي أما الآن فوق وظيفتي أسندوا إلي حقيبة السير
ليش من قلة الشرطة؟
لا لا دارجة بهل الإيام لكل وزارة وزيرين، وزير بيشتغل و وزير بيتفرج بس مش أكتر
و إنت وحدك هون؟
لا أنا مع نحنا سبعة تماني ماعناش شغل حطونا عالنقطة هون
طيب وين رفقاتك؟
يا حرام قسم منهن عم بيكزدر و قسم عم بيتفرج عليي هون بعتقد
أيه الله يوفقك
الله وفقني فيكي، هاتي وراقك
ليش شو عملت؟
عم بتقليلي الله موفقك. يا حسرتي يا روحي يا سندي، شرطي السير بشو الله بدو يوفقو؟ بمليون ليرة؟ بئر بترول؟ بدو يوفقو بكم ظبط يعملهن بهالمواطنين
أيه بس هيدا مش حق
يا بنتي دايمن الحق مع البدلة، شفتي حدن إختلف مع إبن حكومي طلع معو راس؟
إتفضل هاي إجازتي
هاي إجازتك؟ لكلكلك روح يا روحي على هالصورة الحلوي. شو هالجمال الباهر. يا عيني يخرب بيتك متل راكيل ولش
شو عم تعمل؟
بدي أخدلك صورتك زافونير
و كيف بدي إمشي بلا صورة
إسكتي رح بلزقلك صورتي بدالها
خلصني بقى جاي لعنا ناس
ناس مين هالناس؟ ناس طيب روحي سامحتك. ناس مين هالناس و الله يا عمي عالعدليي ما بيجيي ناس قد ما بيجوا لعندكن
نهارك سعيد
قرب تاشوف، قرب بسرعة
دخلك بتعرفلي وين بيت المدموزيل عايدة؟
المدموزيل عايدة المهضومة ما غيرا؟
نعم
هيهيهي هلق إنت الناس؟ هيي قالتلي جايي لعندا ناس ما قالتلي جايي نسناس
أنا إسمي سمير
سمير؟
نعم
هات تذكرتك
تذكرتي
بسرعة
إتفضل
إنتحال شخصيي، هون بالتذكرة إلك شوارب هون ما إلك شوارب، مش عارف هيدا مخالف للقانون؟
يا سيدي حلقت شواربي
و معك رخصة من الزراعة بحلق شواربك؟
حلق الشوارب بدو رخصة؟
نعم، نعم شواربك داخلي بالمشروع الأخضر، شاطر تغير حلاسك و تتسلل لعندها متنكراً. شو في جايي؟
أنا البويفرند تبعها
البويفرند الله ينعلك، ما بيكفيها البويا اللي عاوشا تاتزيد عليها بويافرند، شو القصد من مجيئك؟
بدي إجتمع فيها
ما هي الأحاديث التي تدور حولكم في هذا الإجتماع؟
إجتماع خاص ما بقدر قلك
فإذن بدكن تحكوا شي ممنوع
لأ مجرد عواطف
ما هادا الممنوع كلام العواطف ممنوع
طيب شو بتريد لحقنا و جينا
أيه لوتلي قلبي يعني أكيد إلك شي شهر بتستعد عاهالكلمتين روح قولن و إرجع
خلص وقت السير تانرجع لبوليس البلدية
الله معك يا آفندي. شو هيدا؟
أسبوع النظافة. إشغلي هاو شويي بيصيفيش الصابون. قرب تاشوف. قرب. شو منقدر نخدمك؟
بيت السيد فضول وين؟
فضول ما غيرو؟
نعم
لشو بدك فيه؟
أنا غريب و قاصدو
يا حرام غريب غريب غريب. ما إلك حدن هيك سيدي هيك زعيم هيك واسطة هيك، هيك يشد فيك
لأ
عال عال فإذن إنت رجل النموذجي. فينا ننفذ فيك القانون بدون ما حدن يعملك واسطة
بس أنا مش مخالف
روق روق هلق منطلعك مخالف طول بالك، معك ورقة صحيي؟
ورقة صحيي لشو أنا مش دكانجي
ما بفهم بدك ورقة صحيي
طيب إتفضل
يخرب بيتك، طيب، يا الله، معك زمور؟
زمور؟
بدك زمور
طيب إتفضل
بدي إفقعك ظبط زمور
بس أنا ما زمرت
ما بفهم مخالف
مادام رح تعمل مخالفة زمور إتفضل إعمل الظبط عالنمرا و ما رح عطيك وراقي
شا
فممم فرررررروم
و إنتا ظبط تاني عالموتوسيكل، وين الموتوسيكل؟ ترررر. طفت. تررر طاطا

ثلاث رسايل



الله معك خيي محجوب
يا أهلا بالبوسطجي
في إلك معي مكتوب
من مين يا بوسطجي؟
من أسعد إبن شهدان
من أسعد إبن شهدان لشو باعتلي مكتوب؟ أنا ما بعرف إقرا بحياتك قرالي ياه
لا تواخذني أنا غلطان المكتوب منوش إلك
خي حمل و نزل عن ضهري
المكتوب لبنتك
لبنتي؟
أيه
عجل عجل شوفلي شو كاتب. اوعا تكون مطابق معو
طول بالك
اوعا كلام الغرام
طول بالك
اوعا الحكي هيك و هيك
لك طول بالك
اوعا يكون أخد راحتو
حبيبتي سلمى
يخلع نيعك خلع
أنا شو دخلني؟
لا تواخذني أنا عم بضربو إلو
هيأة هالمكتوب تقيل، إذا كل جملي بقتلي هالشغلي منا شغلي
لا لا كفي كفي
حبيبتي سلمى أنا بتذكر إيام التلاقي
كنتي تهربي و نركض عالسواقي
و لما كنتي تشوفي أبوكي نعسان
كنتي تندهيلي و أنا إبقى فزعان
هوي يفوت عالأوضة و نحنا عالليوان
و لما نسمع شخيرو منعرف إنو صرنا بأمان
آمان آمان يالالالي آمان
أسعد إبن شهدان ناويلي عابنتي
الهيأة فيها و ما فيها أنا بدي ربيها
رح دبرلي قاضة توت و روح و إنزل فيها
طول بالك طول بالك
مابديش بدي طول
معلمة المدرسي جايي لا تحكي قداما
بدي قريها المكتوب
الله معكن
أهلا و سهلا
إلنا شي؟
في إلكن جريدي
يا معلمة المدرسي يالبتضلي تدرسي قريلي هالمكتوب
تكرم عينك
عزيزتي سلمى
و بخبرك عن الدرس عنا درس كتير
و بعد بكرا عنا فحص جرامر و تصوير
طمنيني عن بيك إنشالله يكون مرتاح
أوعا تخليه يتعب بقطف التفاح
بيك شيخ الآوادم و في إلو طلي و هيبي
و أنا يا سلمى مشتاق شوفو من بعد الغيبي
شو القصة يا بوسطجي
بكن شي؟
الهيأة كل واحد شكل بدنا شخص تالت
إجا الشخص التالت
أهلا بشهدان جيت و الله جابك
شو في يا إخوان؟ لك جيت و الله جابك
إتفضل اقرا هالمكتوب من إبنك لبنتي
إسمالله في مراسلات
هيك الظاهر
أيتها الأنسة
من بعد السلام و بلا طولة كلام
بدي حاكيكي بقضيي حتى ما ننلام
بترجاكي قولي لبيك يدفع آجار الدكان
لبيي شهدان لأنو محتاج مسكين و طفران
آمان آمان يالالالي آمان
مبين كل واحد شكل
يالالالي آمان
و إذا جبنا شخص رابع
رح يقرا عاذوقو
وينيي الحقيقة؟
يالالالي آمان
أنا بدي أعرف
لا تعرف آمان
إنتا لا تفكر نحنا منفكر عنك
إنتا لا تتدخل نحنا مندخل عنك
طيب شو بدي إعمل
إنبسط إنبسط إشتغل و كل و نام
و طنش طنش طنش

المطاليب



عافيك. برافو هيك مش عم يكرمجو. بعدن صايمين
يا إخوان بعد ما عطيونا مطاليبنا لازم تضلكن صايمين
لكن يا سبع الشباب غب على قلبن من الجوع
و لو هيك بيفرطوا قوام. يا ضيعان الرجال. ليكوا أنا
بس أنت شافوك عم تاكل شيكولاتا
الشيكالاتا مش أكل
شو؟
أيه الشيكالاتا مش أكل. الحلاوة مش أكل. السردين مش أكل. البسطرمة مش أكل
و النمورة؟
النمورة فيها طحين
و الساندوش؟
الساندوش إذا بلا خبز مش أكل
و أخرتا بدنا نضل صايمين؟ أنا معود متل هلق كون واكل تلاتة كيلو خبز
و لك أنت و لا تخ و لا كسرلو المخو. حطوا بجيابكن عظامى و بعدين إعلكوا تامايشموكن أكلين
إذا عا هالحالة فينا نصوم خمسين سني
لاكان كيف؟ شو بفكرك نموت من الجوع، ساعتا مين بدو ياخد المطاليب
و لك يا سبع تهوسنا و لحقناك و مش عارفين شو هي مطاليبنا
طولوا بالكن بعد ما نعرفت
ما بيصير يا سبع. دبيكة الجرد صايمين قدام بيت كتالينا و ناطرين
يا عمي ما بقدر قولكن شي. المطاليب موجودي بس الأهداف بعد ما تبلورت
فإذن أنا ما بدي. و حياتك مش دايق غير قد معمرتين بس
روق روق عافاك كلن و خليك صايم. خليلي ساندوش. يا خوان لازم نتشدد و نأوتب عليهن أحلى ما تفلت من إيدنا الجماهير الغفورة
بيقولوا الجماهير الغفيرة
لا الجماهير الغفورة يا إبني الجماهير الغفورة يا غشيم إسأل مجرب و لا تسأل حكيم. الجماهير الغفورة قد ما يعملوا معا و يبهدلوا و بيشرشحوا بتكة بتنسى و بتغفر. ها إجت كاتالينا أهلا كاتالينا
مرحب
يا كاتالينا يا كاتالينا إنتي معنا و لا معهن
و لو أنا معكن
بعلامة شو
بعلامة ماشفت هالشباب اللي بيخصوك قاعدين بلا أكل عملتلن جاد فتوش و نزلوا فيه
و لك يا عمي لا هولي صايمين إحتجاجاً
أيه خليهن ياكلوا بيحتجوا أكتر
و أكلوا؟
أيه
و عم ياكلوا؟
كلو نازل أكل
فوو يعني أكلوا المطاليب
أيه حطوهن فوق هالفتوش و نزلوا فيون
و لك يا شامتة العدا فينا. هيك منضل أكلنا مطاليبنا و منش عارفين
و لك صحتين كلون إنتوا أحسن ما ياكلون عليكن
يا كاتالينا يا كاتالينا هيأتك داهيي يا كاتالينا ليكون حدا موديكي تاتفرطينا
أبدا أنا شفت الشباب سألتن شو بجيبلكن قالوا بدنا ناكل. شو بعملك إذا هني جوعانين؟
و لك ما كلنا جوعانين بس ما منقول منغطيا بالمطاليب
و لك لحد هلق و ماحدا عرف شو بدك
الكلام بسرك ما بقدرش قول للشباب بقلك إلك. نحنا صايمين إحتياطاً
يعني إذا صار شي مش عاخاطركن صايمكن جاهز
أيه متل البرنيطة بس يلتقي راس عالقياس
أه كنت جايي حاكيك بمسألي الهيأة ما في مجال
إذا مهمي منلقي مجال
لا، كنت جايي عزمكن عالعشا
بكل ممنوني
شا إنت ما بتمون
بمون على حالي
و أنا كمان
يا إخوان أنا غير شي. أنا مبقدرش مون عا حالي
أنا بمون عليك
إذا إنتي أيه
فإذن رح نشهر عنا و عرفكن عا بنت خالتي جايي تصيف عنا. عليها رقصة بتاخد العقل
شفتوا يا شباب أخدنا مطاليبنا
إذا كانت حلوي بلكي بيجوزونياها
يا إبني طول بالك خذ و طالب
شو عم بتقول
يا كاتالينا يا كاتالينا شو عم قول يا كاتالينا أنا قلت ما صار نصيب معك. بلكي بيصير مع بنت خالتك بتكون من طولك و بتشبهك
لأ أطول مني
يا كاتالينا نص متر بالناقص نص متر بالزايد مش فرق
و ليش ننطر لعشيي عرفينا عليها هلق
طيب رح إندهلها
أيه
زيتة
زينة
يا بيي عاهالأسم يا بيي زينة زينة و الله زينة يا زينة
سلمي عالشباب
إزيكوا
شو قالت؟ كمان يا سيدي
إزيكوا
يا ناعما ركضت كفونه
يا دهوتي
يا دهوتي أنا. كمان يا روحي
عايز أيه
و لا حاججا. يا دوجاشا يا حلاوتك كاتالينا كاتالينا دانا ما كنتش عارف حتكون في الشكل ده. شرف البنت زي عود الكبريت ما يتولعش غير مرة واحدة. يا حلاوتك يا لطافتك مصري نعمل أيه عشان نرقصها؟
الراقوص إذا كان قصد يزقفلو بيرقص
مش عايزة بلاش و حياة أبوك لأ
كمان يا روحي أيوة

على دلعونا



على دلعونا و على دلعونا
رزق الله لما كنتوا تحبونا
بالصيف الماضي تبقى القناطر
مشغولي فيكي و مشغول الخاطر
و يا ناطر قلي شو بعدك ناطر
فلوا الحلوين و ما ودعونا
رزق الله لما كنتي تلاقيني
و تفيي علينا هاك الياسميني
كنت تقوليلي دخلك خبيني
فزعانة صحابي يقولوا شافونا
عالهوارة الهوارة جينا لعندك زيارة
ما لقينا حدا بالبيت وين كنتي يا نوارة
هوارة يا زهر الدار كان في عندي عقل و طار
حاجي تقوليلي لا تغار هودي صبيان الحارة
هوارة بدرب مهاوير مشي ما بقى بكير
حبك بعينيي يطير و ما تلحقنا الطيارة

ياي ياي يا ناسيني




ياما سوا بفيي الياسميني يهب الهوى و إنتا تلاقيني
و تقلي مش رح إنساكي ياي ياي ياي ياي يا ناسيني
ياما تمشينا على هالدرب و يرف علينا طير الحب
و نجي و نروح و الهوى مجروح تضحكني و تبكيني
تبقى القناطر في و شمس حاكيه بالومى و حاكيه بالهمس
و دني صيف و ياما بالصيف تزاعلني و تراضيني