حوار مع اعضاء الاسطوره .. بس كل عضو لوحده ..

ساره
ساره
ساره
ساره

حبيبي

احكليلنا بقى عن اخر موقف بايخ اتحطيت فيه ؟؟

ايه رأيك فى الاعضاء دول

سمسمه
ساره
بوتا
ندا
pci

السؤال الاخير النهارده بتحب يا حجازى ولا ايه النظام؟؟؟

ايوه انا اؤيد بندق فى سؤاله
لاننا سالناك قبل كدا وقلتنا انك كتبت قبل كدا معناه واننا ندور
وطبعا الفشل لاحقنا او لاحقنى ولم اجد الاجابه الى الان

اسالتى بقى :
1- انت بتزعل لما نقول لبندق يحكيلنا على الموضوع الى عمال يعاكسك بيه فى كل المنتدى ؟؟؟؟
2- انت زعلان من اى حد فى المنتدى هنا؟؟؟ او شايل من جواك حاجه لحد ومش مبينله؟؟؟
3- لسه مش فى حاجه فبالى دلوقتى

انتظرونا .... سنعود بعد قليل

سلااااااااااااااااااام

يا جماعه حجازى بيقولكم انه هايدخل بكره

ان شاء الله يجاوب على كل الاسئله

واللى عندو اسئله يقولها لغايه بكره

بسم الله الرحمن الرحيم
اولا يا جماعه احب اعتذر ليكوا كلكوا على التاخير بس بقالى كتير مش بدخل النت..مشغوليات بقى..وطبعا اعتذار خاص لساره هانم صاحبة الموضوع...

نبتدى بقى..
1-بندق
*al nickname bta3k da anta katbo keda leh ?
ساره قالت معناه فى الاول وهى بتقدم البرنامج "طب ليه كده طب"
2-ساره
*ً طبعا ً مقدمه سريعه عن نفسك ..؟؟؟؟
احمد حجازى - 21سنه - تانيه مدنى القاهره - مش مرتبط - كده كفايه ده اللى اعرفه
*ليه اخترت كليه الهندسه .. هل اصلا اخترتها ولا هى جت كده ..؟؟؟
والله ماعرف....
*هل انت واثق فى نفسك وبنسبه اد ايه ؟؟
الحمد لله ..بس معرفش النسبه...
*امتى تشعر انك ضعيف ؟؟؟
اجلى السؤال ده شويه لغاية مافكر عشان مش عارف ..بس طبعا اكيد بضعف...
*امتى تحس انك مرتاااااااااح اوى ؟؟؟
لما بحس ان ربنا راضى عنى...
*ايه العيب اللى تكرهوا فى اى انسان وايه الميزه اللى تجذبك لاى انسان بردوا ؟؟؟
العيب الزن الكتير - والميزه الصدق....
3-اسامه
*احكليلنا بقى عن اخر موقف بايخ اتحطيت فيه ؟؟
والله يابنى المواقف البايخه كتير ....هوه فيه موقف انا ضحكت على نفسى فيه
كنت راكب المترو وكانت محطه تحت الارض وكنت نايم وسند على الشباك بس نايم بقالى كتير ومش حاسس باى حاجه وفجأه المترو بين محطتين يعنى فى عز الظلام الدامس راح مزمر اتخضيت وصحيت لقيت الناس اللى قاعدين جنبى عمالين يضحكوا ...ملحوظه اصلا الناس كلها كانت متغيره يعنى نمت وصحيت لقيت الناس اللى كانت قاعده مشيت وجت ناس جديده وطبعاه الفجأه زادت....ارتحت يا اس..
*ايه رأيك فى الاعضاء دول
مبحبش اقول رأيي فى حد اثتاء وجوده او غير وجوده...
*بتحب يا حجازى ولا ايه النظام؟؟؟
انت عارف اكيد لا....

4-سمسمه
*حكاية اسمى انا رضيت عليها خلاص
*انت بتزعل لما نقول لبندق يحكيلنا على الموضوع الى عمال يعاكسك بيه فى كل المنتدى
لا طبعا خالص وبندق عارف كده...واللى عنده حاجه يقولها...

اظن انا رضيت بكل ضمير ومعملتش عبيط على اى سؤال زى غيرى ما عمل من دون ذكر اسماء طبعا....

من غير ذكر اسماء ايه ياشيخ ده انت يادوب تانى واحد يتسئل,بصبقى انا هسئلك اسئله سهله ومش محرجه زى ناس بدون ذكر اسماء ايه أكتر حاجه بتضايئك وأكترحاجه بتفرحك واوعى تقولى الشيكولاته زى ناس 8) 8) 8) 8) بدون ذكر اسماء.

اولا انا بحسدكوا كلكوا على الاموشنز بتاعتكوا لان انا الويندوز بيهيس ومش بيجيب لا الفونت بتاع الخط وللا اللموشنز وللا حتى لون الخط ....ما علينا...
* اكتر حاجه بتضايقنى الزن والرغى الكتير ...وأكتر حاجه بتفرحنى الشوكولاته...

ازيك ياحجازى

هسال وجاوب بقى بصراحه

1- من اقرب حد ليك من اللى حواليك؟
2-موقف حصل واندهشت منه؟
3-اكتر اكله بتحبها واكتر اكله مش بتحبها؟
4-ياترى راضى عن نفسك ناو ولا ايه؟
5-مقلب اتعمل فيك؟
6- نفسك فى ايه تعملو قبل ماتتموت بعد الشر طبعا
7- امتى اخر مره عيطت فيها؟
8-امتى حسيت انك اتظلمت ؟
كفايه كده بقى نااااااااااو

انتوا داخلين سخنين اوى عليا كده ليه....؟؟؟!!!!
وبعدين انا قلت محدش يسألنى عن رأييى فى حد لأن رأيي ده بخليه لنفسى....
يعنى اى سؤال عن رأيي فى حد اعذرونى مش هجاوب عليه...
نبتدى بقى....
1- seekaboto
*من اقرب حد ليك من اللى حواليك؟
نفسى..
*موقف حصل واندهشت منه؟
مفيش حاجه على بالى دلوقتى...
*اكتر اكله بتحبها واكتر اكله مش بتحبها؟
بحبها الفول...مش بحبها الرنجه...
*ياترى راضى عن نفسك ناو ولا ايه؟
الحمد لله...
*مقلب اتعمل فيك؟
بلاش ده ...
*نفسك فى ايه تعملو قبل ماتتموت
احج...
*امتى اخر مره عيطت فيها؟
قريب مش بعيد وانا بتفرج على فيلم "حياه او موت" بتاع (من حكمدار العاصمه الى المواطن احمد ابراهيم لا تشرب الدواء الذى ارسلت ابنتك فى طلبه الدواء فيه سم قاتل).
*امتى حسيت انك اتظلمت ؟
ما انا بتظلم اهوه.....
2-بندق
*امنيه نفسك تحققها ؟
اتجوز واجيب عيال صغيره كده الاعبها....
*وامنيه تانيه حققتها ؟
مش عارف...
*واحسن موقف حصل معاك بس يكون بيضحك ؟
وانت مالك...
*سبت شغلك الاقديم ليه ؟ اطردت منه ولا ايه النظام؟
برده وانت مالك....

3-ندى
*مين اكتر واحد بيعجبك ارائه في المنتدى؟ السؤال ده ممكن اجاوب عليه..
من حيث المنطق "حازم"
من حيث العقلانيه "ساره"
من حيث الرومانسيه انتى يا "ندى" بس ساعات بتبالغى شويه
من حيث الرخامه عليا "بندق"
*وليه اكيد طبعا لا مش مرتبط ؟
لعدة اسباب اولها واهمها انى لسه بدرس
وبعدين كمان لسه باخد المصروف من ابويا
واصلا يعنى انا لا ارجح الموضوع ده عشان بيكون تضييع وقت ووجع دماغ على الفاضى
وكمان لسه مالاقيتش اللى ممكن افكر ارتبط بيها ولو لقيتها برده مش دلوقتى لما اخلص من اللى انا فيه الاول....
4-ساره
*لو انت قررت بينك وبين نفسك انك ما تعملش حاجه معينه وبعد كده لقيت نفسك عايز تعملها تانى هتعملها ولا ....؟؟
والله يا ست ساره الموضوع ده متوقف على نوع الحاجه ديه واهميتها بالنسبه ليا بس مفيش مشكله انى اعيد حساباتى...

ممكن اسال تانى ولا ايه

انا هسال بقى وماليش دعوه

1-تحب تقول لمين منك لله؟

2-الواحد بيمر عليه لحظات سعيده

قوللنا كده كام لحظه كنت سعيد فيهم؟

3-بتفكر فى ايه دلوقتى؟

كفايه كده علشان حاسه انك اتخنقت منى

الاسئله كلهه تمام والردود حوه

اسالتى :
1-انت مين "بالتفصيل" من وجهه نظرك مره ومن وجهه نظر الاخرين مره اخرى....
عارفه انك جاوبته بس جاوبته مختصر قوى .... لو تقدر تجاوب تانى تبقى تمام :)


2-ايه اكتر موضوع عجبك فى المنتدى كله؟

3- اكتر رد الى الان فى بالك "سواء ردك او رد غيرك" حسيت انه رد تمام؟

4- مشترك فى منتديات اخرى"بدون ذكر اسماء"؟

كفايا كدا

سلاااااااااااااااااااام

انا اول مره اسال
نقضيها اسئله خفيفه بقي

انت شايف ان ممكن يكون في حب متدخلش فيه الماديات والحاجات دي؟
ايه رايك في البنات اللي بتوهم الولاد عشان يزاكرولهم ويكتبولهم المحاضرات
وهل عرفت حد من النوع ده؟
مين اكتر واحد بتضحك علي ردوده؟
مين اكتر عضو بتحس ان ردوده ملهاش لزمه؟......(طبعا مش هترد)