قاضي الحب

يا رب يا ندي

اتقل يعنى يا معلم


بس فى سعات التقل بيتفهم غلط
وساعتها هو حينفض
كل واحده وشطارتها بقى


وكمان انتو حتفضلو تتنططو على الجهاز كده
كل شويه واحده تقعد شويه
ولا ندى مأجره ليكى الجهاز يا اسراء

انا عارفها دى تعملها

اول مرة أكون مع بندق

ده مش ساعات

ده التقل غالبا بيتفهم غلط


و عندي وجه نظر مهمه

لو كل واحد من الإتنين كان بيفكر زي كده (يعني منتظر الفعل عشا يبدا هو رد الفعل )

يبقى هيقفوا محلك سر

*esraa* كتب:

Bondok كتب:

اتقل يعنى يا معلم


بس فى سعات التقل بيتفهم غلط
وساعتها هو حينفض
كل واحده وشطارتها بقى


وكمان انتو حتفضلو تتنططو على الجهاز كده
كل شويه واحده تقعد شويه
ولا ندى مأجره ليكى الجهاز يا اسراء

انا عارفها دى تعملها

لو بحبها مش هينفض...هيقدر انها مثلا ممكن تكون مكسوفة ..مستنية تتاكد

انا شايفة ان الولد هو اللي لازم يبدأ يصرح بمشاعره

ولو عالتنطيط عالجهاز...ناوييين نقضيها كدة لحد ماربنا يسهل وامشي اروح بيتنا

بس ندى جامدة مأجرالي الساعة بربع جنيه مخروم بس!!! مش بقولك صحبتي

اسعدتنا بوجودك والله يا بندق

عايز اسأل سؤال إيه الفرق بين ولد وبنت

الولد والبنت أشخاص (بني ادمين )

ليه الولد هو اللى لازم يبدأ بالمصارحه

فيها إيه لو البنت هي اللي بدئت

وبعدين زي ما في بنات بيتكسفو (ودول احلي بنات )

في ولاد بنكسفو برضه

بل في الزمان ده اصبح الولاد بينكسفوا أكتر من البنات


من رأيي اللى يحب لازم يكون شجاع

ويواجه الناس كلها بحبه

ويقول بعلو صوته انا بحب فلان

وإلا يبقي جبان والجبن مش من شيم اللى بيحبوا

لازم اللى بحب يكون شجاع ولد او بنت مش فارقه

بل البنت قبل الولد

عشان لازم تكون كل حاجه في النور

يعني احب مع معرفه الناس كلها الى بحبه وولدى ووالدتي وأصحابي

وإلا يبقي انا بأعتبر الحب عيب

وفى الحاله ده يبقي محبش

(الثوري دائما المصارع للسلام )

فعلا عندك حق اللي يحب لازم يكون شجاع بس لما يكون في قصة حب فعلا والناس عارفة

لكن هنا اللي حاصل في الموضوع مجرد بدايات يعني مفيش مجال للشجاعة دلوئتي

ولا ايـــه ؟؟؟

معاك حق برضه

لكن الشجاعه بتكون في أول أول المعركه

بعد كده الموضوع بيبقي عادى

يعني انا لو داخل احارب اول المعركه هو اللى هكون خايف

ولكن بيد ان أدخلها ينتهي الأنر

نفس الفكره

وبعدين ليه ثوري دائما..براحة على نفسك

وأنا ثوري لأني بحب أن اكون فعال

وفي نفس الوقت

أعشق الحوار الهادف

وجوودك مميز يا مصارع

شكرا اوي ليكي وواضح إن هيكون ليكى شأن عالمي في المنتدي

ايه دا انا مدخلتش هنا قبل كدا .... شكلى كالعاده متاخره وبيفوتنى حجات كتير

المهم ممكن اتدخل واتحشر واشارككم النصيحه للحلوين storm

storm1:تقريبا انت بتقول صديقك او صديقتك بتحس انك عايز تتكلم معاهم وهما مش مهتمين بيك قوى "دا الى انا فاكراه تقريبا" طب ما ممكن يكونو اصدقائك دول مشغولين شويه مش لازم يكلموك كتير وكل شويه اتصالات الله اعلم بظروفهم بس الاهم لما بيكونو معاك بيهتموا بيك ولا لاء

لو مبيهتموش يبقى اكيد فى حاجه انت عملتهه من غير ما تقصد خليتهم يقلقو منك بسببهه او لانهم حسو انك مش الصديق المناسب .... فلازم تكلمهم بصراحه وتسالهم لو فى حاجه انت عملتهه علشان انت مش واخد بالك لان من حقك انك تعرف فى ايه؟؟

اما لو هما بيعينك فمش عليك غير انك تبيع الى يبيعك بس بعدمتتاكد لان ممكن يكونو مكانوش اصدقاء بل دى صداقه مصلحه مش اكتر وخلاص انتهى الى عوزينه منك او لقو الى ممكن يفيدهم اكتر منك .... ودول ميستحقوش انك تزعل على فراقهم .... ولا ايه؟؟؟

storm2:انتى بتقولى ان كان فى مشروع ارتباط بينكم معنى كدا انكم جادين وانه بيحبك بجد
حاولى تتصلى بيه وتسالى عنه لانه اكيد مش بيلعب بيكى واكيد ليه عزره ومشغول حبتين وبعدين الناس بتختلف عن بعض فطريقه ابراز مشاعرهم يمكن يكون هوا مش من النوع الى بيتكلم بس من النوع الى بيعمل حجات ومواقف تبين حبه وفى الغالب البنت بتمةن رومانسيه عن الولد .... اما لو مش متاكده من مشاعره فاكيد لازم تتقلى فتره وهوا لو بيحبك هيقلق وهيسال نفسه ايه الى انا عملته علشان تبعد وهيراجه نفسه وهيسال هوا عليكى لما يحس انك ممكن تضيعى منه .... بس لو مسالش لفتره كبيره وشايفه ان ملوش عذر واضح يبقى تسيبى الحب دا لانه كان مجرد اعجاب مش اكتر وكدا انتى لو قعدت تسالى كتير كدا كرامتك هتقل لان المفروض كفتين الحب يبقو متساويين او متقاربين وانتى كدا هتيجى على كرامتك ومشاعرك ..... ربنا يارب يوفقكم وينشط موضوع الارتباط دا ونسمع عنكم كل خير بس ساعتهه تبقى تقوليلنا انتى مين علشان نفرح بيكى اكتر


صاحبه اسراء: بصى بقى يا اسراء الظاهر كدا ان صحبتك مش بتحب الولد دا .... ليه بقى؟؟؟ لانهه زى ما بتقولى من عيله محافظه ومكنش عندهه اختلاط لغايه السنه الى فاتت واكيد لسه تفكيرهه منضجك للدرجه انهه تعرف دا حب ولا اعجاب ولا انبهار
اصلهه ممكن تكون فى حاجه للحب نفسه ... نفسهه تحس ان فى حد بيهتم بيهه ويحسسهه انهه زى باقى البنات الى بيتحبو .... واعتقد فى الغالب ان دى فتره وهتنتهى لان دا اول انسان يحسسهه بالموضوع دا من نظراته وكلامه .... فتحاول تبعد افضل وتكون اكثر واقعيه لانهه لسه فسنه اولى وهتقابل ناس كتير لو كل ما تقابل حد تعجب بيه كدا الموضوع هيكون صعب

لو هوا بقى بيحبهه فعلا وناوى يكمل المشوار يعنى مش بيلعب فاكيد لما يلاقيهه بتبعد هيفكر يتكلم فى الموضوع دغرى على الاقل يفاتحهه مش يعلقهه كدا .... اصله احتمال كبير يكون بيتسلى مش اكتر


ربنا يوفقكم جميعا يارب ويعملكم كل الى فيه الخير ويبعد عنكم ولاد الحرام


وسورى يا دوندون انى اتدخلت معاكم بس اعتقد لما يكون فى اختلاف فى الاراء بيكون الموضوع افيد وكلنا بنستفيد

سلاااااااااااااااام

تمام يا سمسمه

انا بقى عندي مشكله شويه جامده وياريت اعرف حل ليها
انا كنت بحب واحد وبعدين بعدنا عن بعض وبعدنا من غير ما حد فينا يجرح التاني
انا ساعات بشوفه ولما بشوفه بيتقلب حالي بعد مااكون حسيت اني خلاص قربت انساه كل حاجه في حياتي بتفكرني بيه
المهم ..... انا في الفتره اللي فاتت اتعرفت على شخص اتفقنا اننا نكون اصحاب وانا وافقت بس حسيت انه ممكن يكون في حاجه بينا وفكرت في ده فعلا هو فعلا قدر في الاول يبنسيني حبي الاول ده وانا اعتقد اني حبيته وقلتله وعلى فكره هو ما قاليش انه بيحبني بس كنت حاساها من كلامه
المهم حسيت اني لسه في قصه حبي الاولى واني عمري ما نسيتها وقدرت اني اتراجع عن الاعتراف بحبي ده وهو وافق اننا نكون اصحاب
حصلت مشكله جامده وبعدنا لفتره قليله بس رجعنا نتكلم تاني بس حاسه ان في حاجه انكسرت بينا وان الفرصه اللي ممكن تجمعنا كحباب خلاص انتهت وانا لسه ما نسيتش حبي الاول
الغريبه بقى ان الشخص التاني ده بيوحشني جدا وساعات بغير عليه فيا ترى ليه الغيره ؟!

مش عارف يا ستورم

إنت اللى الللمفروض تقرري

على فكرة انا عندي مشكله قريبه من مشكلتك

برضه كنت بأحب واحده ولاكن طلعت مخطوبه وإتفقنا نكون إخوات

وفي برضه واحده واضح إنها بتحبني ولكن لسه مقلتليش (مستنياني أقولها )

بس انا برضه لسه بحب الأولى

ومع ذلك بغير على التانيه .

يعني قريبه شويه

يا ريت تحليهالنا يا دون دون

ياريت يا ستورم تحدد الغيره دي حب

ولا حب امتلاك بس

وساعتها هاترتاحى يعنى لو انتى بتغيرى عليه حب يبقي تنسي الاول خالص
ولو العكس يبقى العكس
ده ردى يمكن انا مش فلحوس اوى فى حل المشاكل بس دى رايي

حد ليه رأي غير رأيك

بس عايز اسأل سؤال واحد

ليه مبتشوفيش الموضوعات الجديده في الأبواب التانيه


على فكرة انا زعلان اوي

انا معاكى يا ندى فى رأيك

طب بصوا بقى....اولا كده احب اهنى دوندون على الموضوع الجامد ده ...وكمان اشكرها على شغلها فيه واهتمامها بيه....
انا عجبنى اوى كلام سمسمه لانه فيه شئ من الاخر...
بس اعذرونى مش هقدر ارد على كل الاستورمات اللى فاتوا بس انا هرد بقى على اخر ستورم لأن الويندوز عندى طالبه معاه شويه فيلم بقى عشان اروح صفحه تانيه..ما علينا ..
فخلونى اقول ان انا من رأى سمسمه فى اغلب كلامها....

بصى يا ستى انتى ممكن تكونى بتتعاملى مع الشخص التانى وانتى متخيلاه الاولانى..او لما بتقعدى معاه بتشوفيه الاولانى...ده مجرد فرض..انا معرفش مشاعرك تجاه اى من الاتنين عامله ازاى...بس انتى قولتى حاجه..انه فيه مشكله حصلت بينك وبين الشخص التانى ولما اتصالحتوا كنتى حاسه ان فيه حاجه انكسرت فان كنتى حسيتى الاحساس ده بالفعل فاظن ان كده العلاقه بينكوا المفروض انها انتهت وحكاية الغيره ديه مجرد بكاء على الاطلال او بمعنى اصح انتى لسه خارجه من العلاقه ديه يعنى لسه فيه رفات مشاعر جواكى تجاه الشخص ده بس الزمن هيداوى وقريب قوى هتلاقى موضوع الغيره ده ابتدى يقل تدريجيا لغاية ماينتهى...يعنى متقلقيش من موضوع الغيره ده هياخد وقته....بس انا معرفتش مصير الشخص الاول....

معلش اعذرونى لو كلامى مش منسق انا بحاول اوصل وجهة نظرى...

حمد الله على السلامه يا حجازى ابل اى حاجه


ستورم ما تريحى دماغك وشوفى اى حاجه كده وروحى كلميه
او اطلبى منه اى حاجه وشوفى كده

وكمان احنا قولنالك راينا وانتى اللى تقدرى تختارى بقى

روحى جربى يا بنتى مش حتخسرى حاجه يعنى

لو فى حب وكده يبقى خير وبركه

مفيش يبقى اديكى رسيتى على بر بدل التعب والحيره دى كلها