حوار مع اعضاء الاسطوره .. بس كل عضو لوحده ..

ازيكم يا شباب والله توبك هايل .....بس ليه كده يا ساره

قصدى جاهز لكل الاسئله يا فندم

ويلا اسألونى

ساره سبقتينى يا ساره

انا كنت ناوى اعمله

موضوع جميل فعلآ

>>>>> كرسى الاعتراف <<<<<

طيب سؤال المفروض استنى اسامه لما يجوب ولا اسال انا كمان
خلاص حستنى علشان ميتلخبطش

لا مش عارف بس ممكن تسألو عادى

بالنسبه لأسئله ساره

من انت ؟؟؟

انا والله اسامه شاب غلبان. عندى من الدنيا اللى يخلينى
اسعد انسان فيها ورغم كده على طول متمرد وبدور على
الاحسن مش عارف ليه
انتو عارفين انا فى تانيه ميكاترونكس انا مش عارف دخلت
الشعبه دى ليه مع انى كان قدامى بقيه الشعب بس دخلتو من
باب المراهنه وخصوصا انه اجدد حاجه فى هندسه

ليه دخلت هندسه والحوارات دى؟؟؟

بلاش السؤال المحرج ده يا ساره
عموما انا ما كنتش بحبها اصلا بس خلاص
اتأقلمت مع الموقف وعادى

لما جواب الترشيح جه ؟؟
طبعا كنت خايف شويه من حلوان لانى كنت فاكر
ان هندسه يعنى عين شمس لكن لما دخلت عرفت ان فى اقسام
عندنا جامده وشغاله ومطلوبه بالاسم

اكتر فتره حسيت انى مبسوط؟؟؟
الواحد نفسه يرجع لايام الثانوى ساعتها
كان الواحد مريح دماغه من كل حاجه واللى كنا بنزاكره
كان بيجي فى الامتحان مش دلوقتى
الدكتور بيسأل عن القافله اللى تاهت ايام الصليبيين

الفتره ؟؟؟

اولى اول
لانى اتدلعت جامد فيها وانتو عارفين الباقى بقى
ولو رجعت تانى مش هاكرر الغلطه دى

علاقتى بربنا ؟؟؟
سؤال محرج واكيد مش هجاوب عليه

الفكره جامده جدا يا ساره
والاسئله كمان كويسه
حد يسال اسامه عقبال ما حضرله كام سؤال
بس يا جماعه اهم حاجه لازم تفتروا عليه في الاسئله مش عايزين حاجات سهله خالص
يلا سلام مؤقت

وانا صغير كنت بخاف من الضلمه

اكتر موقف محرج
مش هاينفع يتزاع هنا


اكتر يوزر .....
سميه وساره اكتر 2

حسيت انى ضعيف وعاوز اعيط

لا ما حستش انى ضعيف بس كنت زعلان اوى لما
دبلرت اولى ...بس بعد كده عرفت ان ده عادى فى هندسه

رأيي فى نفسى
محدش هايقول على نفسه وحش ولو عاوز السؤال يبقى
فى الجون تسألنى على حجازى واصحابى وهم فى دورهم تسألهم على

ومتنسانيش

ايه ده ليه كده

حجازى ......جدع اوى وصاحب صاحبه حبيبي وهو عارف
خالد .....هو نفسه انى اكون احسن من كده
مصطفى ....دماغه نضيفه وعاليه اوى
بندق .....عامل جو جامد فى المنتدى
بوتا ....مرحه جدا وبحس انها طيبه اوى اوى
سمسمه ....ربنا معاها عشان الثانويه بنوته جدعه اوى اوى اوى وبحب اشوف ردودها هى وساره
ساره .....بتحل اتخن مشكله ما شاء الله عليها
والشعر بتاعها جامد اوى خصوصا الرومانسى
كوكى ....عسوله المنتدى واجدد ضيقه عندنا
ندى .....شعله المنتدى

لو نسيت حد قولولى

لسه ناس كتير....
انت نسيت DARK MAGICIAN و the queen و meshmesha و sms و العالم الله

wenas tanya keteeer dawar hatla2y

yalla shed 7alak

ah feh so2al enta maradetsh 3aleeh

ايه اكتر موقف محرج حصل معاك ؟

ده طبعا لازم تجاوب عليه....

دوري يا معلم

ايه السبب الاساسي وراء انشاء المنتدي؟

هل انت راضي عن اداء المنتدي؟

من هو مثلك الاعلي؟

ورسالة سريعة تحب تقولها لاي حد؟

اسئلة سهلة اهي انا عامل حساب الزمن

السبب الرئيسي
انا طول السنه اللى فاتت كنت بادخل على منتديات وكده
ولقيت انها حاجه جامده ولازم اتعلم ازاى بتتعمل
ولما ركبت الفورم ولقين انه شكله حلو روحت مقسمه
وقعدت انا وعمك الكبير حجازى افتكسنا حبه اسامى عشان الاقسام بتاعت المنتدى
وبس


المنتدى صحيح لسه صغير بس فيه شغل من نار بس عشان المنتدى كبير فى عدد اقسامه الشغل
ده مكانش باين اوى بس فى الفتره الاخيره انا شايف بصراحه مجهود حلو اوى
من ساره وبندق وندى وكمان حازم بدأ يدخل .....يلا ربنا يسهل


مثلى الاعلى ؟؟؟؟؟؟؟

رساله لينا كلنا عشان النتيجه على الابواب ( ربنا يوفقنا )

لا انت عارف دانت حبيبي من ايام الجيزه

يعني كل واحد في المنتدى قولت عليه سطر كامل وانا ما كملتش 3 كلمات على بعض على العموم شكرا جدا ومقبولة منك

ندى زعلانه منى والله انا قلت احلى كلمه عليكى
انتى الدينامو بتاع المنتدى( معلش الكلام كله هندسه )
ندى من الناس اللى اثبتو نفسهم بسرعه اوى ( هاتى بقى ال10 جنيه اللى اتفقنا عليها

ساره ....انا اللى اخترتها من الاول ولازم اتحمل نتيجه اختيارى
ولو مشاعرى اتغيرت هايكون ده بسبب حاجه هى عملتها وضايقتنى منها اوى

انا ليا عندك كام سؤال يا اس
بس من غير ضرب

مين اكتر انسان بتحبه(ولد او بنت)؟؟؟
........... بتحترمه(غيري طبعا)؟؟؟؟
امتي حسيت ان الدنيا مضلمه وان حياتك مالهاش معني؟؟؟؟؟
انت ليه مغرور؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كفايه عليك كده النهارده

هههههههههههههههه
مشكلتك يا اوساكا ان اخوك معاك فى المنتدى ومش هتقدر تلف وتدور عليه.... لانه فهماك كويس واعتقد انه عارف اجابات الاسئله قبل طرحهه
ههههههههههههههه

اسالتى:
1- ايه اكتر حاجه بتزعلك من اى حد؟؟؟

2-ايه اكتر حاجه بتحببك فى اى حد؟؟؟

3-ايه العيوب الى نفسك تتخلص منهه؟؟؟

4- ايه المميزات الى شايفهه ناقصاك ونفسك تكون فيك؟؟؟

لسه للاسئله باقيهه........ هتتعصر يعنى هتتعصر....

سلاااااااااااااااااااااااام

فعلا الاسئلة جامده جدا وياريت يا اسامة ترد عليها وعايزة اسالك سؤال هو مش شخصي قوي :
ايه هو مفهومك للحب ؟

معلش الرد بتاع سمسمه طلع غامق شوفو كده لو مش هاتعرفو تقروه هاظبطهولكم

ندي بقى

الحب

مش عارف اقولك ايه بس بجد شعور حلو اوى تخيلى اتنين
كل واحد عاوز يعمل اى حاجه عشان يسعد اللى قدامه
ولو حد منهم يكون زعلان او مخنوق التانى يكون زعلان عشانه ويخفف عنه كده
والشعور ده مش بمزاجنا
لا ده بيقتحم الواحد ويحتل كل كيانه

علي راي احمد حلمي:

"طيب بالنسبه للموبايل بتاعي ده حضرتك ماخدتيش بالك منه ولا انتي مبتشوفيش"
انت يا عم بطل خم
فين الباقي
انت بترد علي الأسئله اللي انت عايزها والباقي لأ

انا بأطالب وبشده بالأجابه علي اسئلتي